मुंबई: बॉलिवूड अभिनेत्री आणि यांच्या रोमँटिक अंदाजाची चर्चा तर नेहमीच होताना दिसते. काही दिवसांपूर्वीच विराटनं अनुष्कासोबतचा एक फोटो सोशल मीडियावर शेअर केला होता. याशिवाय या दोघांचे काही अनसीन फोटो सुद्धा सोशल मीडियावर व्हायरल झाले होते. सध्या विराट कोहली आयपीएल २०२१ मध्ये बिझी आहे आणि या सामन्यातीलच एक व्हिडीओ सध्या सोशल मीडियावर चर्चेचा विषय ठरला आहे. विराट कोहलीचा रॉयल चॅलेंजर्स बेंगळुरू आणि राजस्थान रॉयल्स यांच्यात जोरदार टक्कर पाहायला मिळाली. अर्थात कोहलीच्या संघानं हा सामना जिंकला आणि विराटनं नाबाद ७२ धावा केल्या. अशात जेव्हा विराटचं अर्धशतक पूर्ण झाल्यानंतर त्यानं हे अर्धशतक मुलगी वामिकाला समर्पित केलं आणि सोबतच त्यानं पत्नी अनुष्कालासुद्धा फ्लाइंग किस दिलं. त्याचा हा व्हिडीओ सध्या सोशल मीडियावर व्हायरल होताना दिसत आहे. या व्हिडीओमध्ये कोहलीनं सुरुवातीला बॅट हवेत उंचवली. त्यानंतर तो आपल्या टीमला चीअर करताना आणि टाळ्या वाजवताना दिसला. त्यानंतर त्यानं हसत हसत अनुष्काला फ्लाइंग किस दिलं. त्यानंतर तो वामिकाला हातावर झुलवतानाचा इशारा करताना दिसला. विराटचा हा अंदाज त्याच्या चाहत्यांना खूपच पसंत आला आहे. मुलीच्या जन्माच्या आधी दिलेल्या एका मुलाखतीत अनुष्का शर्मा म्हणाली होती की, 'आम्ही दोघंही लोकांच्या समोर आमच्या बाळाला मोठं करू इच्छित नाही. तिला सोशल मीडियावर प्रसिद्धी मिळावी असं मला अजिबात वाटत नाही. मला वाटतं ते आमच्या बाळाला स्वतःला वाटलं पाहिजे. कोणत्याही मुलाला हे कधीच शिकवलं जाऊ नये ते दुसऱ्यांसाठी किती स्पेशल आहेत. या गोष्टीचा आम्हाला त्रास होऊ शकतो. हे आमच्यासाठी कठीण आहे पण आम्हाला हे करायचं आहे.'
from Marathi Bollywood News, Marathi Cinema News https://ift.tt/3nosJ1N
