पणजी- करोनाची दुसरी लाट आल्याने पेशंटची संख्या वाढत आहे. त्यामुळे राज्य सरकारने 'ब्रेक द चेन' अंतर्गंत राज्यातील सिनेमा आणि मालिकांच्या चित्रीकरणांवर बंदी घातली आहे. त्यामुळे बहुतांश सर्व वाहिन्यांनी त्यांच्या मालिकांचे चित्रीकरण इतर राज्यांत जाऊन करायला सुरुवात केली आहे. कलर्स मराठीवरील '' या मालिकेचे चित्रीकरण मडगांव येथील रवींद्र भवनमध्ये सुरू आहे. गोव्यामध्येही दिवसागणिक करोना रुग्णांची संख्या वाढत चालली असून चिंतेचे वातावरण पसरले आहे. त्यामुळे गोव्यात सुरू असलेल्या मालिकांच्या चित्रीकरणाला स्थानिक आणि राजकीय पक्ष विरोध करत आहेत. गोवा फॉरवर्ड पक्षाचे आमदार यांनी सूर नवा ध्यास नवा या कार्यक्रमाच्या सेटवर जाऊन गोंधळ घालत चित्रीकरण थांबवण्याची मागणी केली आहे. या कार्यक्रमाचे चित्रीकरण मडगाव येथील रवींद्र भवनमध्ये सुरू आहे. गेल्या काही दिवसांपासून मडगांव आणि परिसरातील करोना रुग्णांची संख्या खूपच वाढत चालली आहे. अशा परिस्थितीमध्ये येथे चित्रीकरण करणे योग्य नसल्याचे मत त्यांनी व्यक्त केले आहे. या कार्यक्रमाच्या ठिकाणी कोणत्याही प्रकारचे सोशल डिस्टनसिंगचे पालन केले जात नसल्याचा आरोपही आमदार देसाई यांनी केला आहे. तसेच कार्यक्रमाशी संबंधितांशी त्यांनी चांगलीच झाडाझडती घेतली आहे. या घटनेचा व्हिडीओ आमदार सरदेसाई यांनी ट्विटवर शेअर करत त्यांची भूमिका मांडली आहे. आता या घटनेनंतर पुढे काय होणार याकडे सर्वांचे लक्ष लागले आहे.
from Marathi Bollywood News, Marathi Cinema News https://ift.tt/2PSzpca
