मुंबई: बॉलिवूड अभिनेत्री बॉलिवूडच्या त्या अभिनेत्रींपैकी एक आहे ज्यांनी आपल्या दमदार अभिनयाच्या जोरावर या ठिकाणी स्वतःचं वेगळं स्थान निर्माण केलं आहे. सुरुवातीच्या काळात विद्याला तिच्या वजनावरून ट्रोलही करण्यात आलं होतं पण अशा टीकाकारांना आपल्या कामातून उत्तर दिलं आहे. बिनधास्त स्वभाव आणि बेधडक व्यक्तव्यांसाठी ओळखल्या जाणाऱ्या विद्यानं एका मुलाखतीत तिच्या वैवाहिक आयुष्याबद्दल चर्चा केली. त्याचवेळी प्रेग्नन्सीच्या प्रश्नावर तिनं धक्कादायक प्रतिक्रियाही दिली आहे. विद्याने सिद्धार्थ रॉय कपूरशी लग्न केलं. त्यानंतर तिच्या खासगी आयुष्याविषयी जाणून घेण्याची चाहत्यांची उत्सुकता वाढली. त्यामुळे विद्याला नेहमीच खासगी आयुष्यावर प्रश्न विचारले जातात. अशाच काही प्रश्नांची विद्यानं एकदम बेधडक उत्तरं दिली. २०१७ मध्ये वाढत्या वजनामुळे आणि सतत डॉक्टरांकडे जात असल्याचे पाहून प्रेग्नेंट असल्याच्या चर्चा सुरु झाल्या होत्या. त्यावेळी एका मुलाखतीत विद्यान, 'लग्न होतं नाही तर लग्न कधी होणार? लग्न झालं की मुलं कधी होणार? असे अनेक प्रश्न एका महिलेला सतत विचारले जातात?' असं म्हणत विद्याने संताप व्यक्त केला होता. नुकत्याच दिलेल्या एका मुलाखतीत प्रेग्नन्सीवर सातत्यानं विचारल्या जाणाऱ्या प्रश्नांवर विद्या म्हणाली, 'मी मुलांना जन्म देणारं मशीन नाहीये. लग्नानंतर वाढलेलं वजन आणि अन्य काही कारणांमुळे मी डॉक्टरकडे जात होते. पण याचा अर्थ मी प्रेग्नन्ट आहे असा होत नाही. आपल्या देशात लग्न झालं की मुलं जन्माला घालण्याबाबत अपेक्षांचं ओझं महिलांवर नेहमीच लादलं जातं, हा केवळ मूर्खपणा आहे. जर एखाद्या महिलेनं मुलांना जन्म दिला नाही तर काय बिघडणार आहे.' विद्यानं यावेळी तिच्या लग्नाच्या वेळची एक आठवण सांगितलं. ती म्हणाली, 'माझ्या लग्नाच्या दिवशीच माझे काका म्हणाले होते, पुढच्या वेळी भेटू तेव्हा दोनाचे तीन झाले पाहिजे. त्यांच्या या बोलण्यावर मला फार हसू येतं होतं कारण मी आणि सिद्धार्थने त्यावेळी हनीमूनला कुठे जायचं याचाही विचार केला नव्हता. आमचं लग्न झाल्यापासून जवळचे सगळे नातेवाईक मला हाच प्रश्न विचारतात. काळ बदलला असला तरी लोकांची मानसिकता अजिबात बदलली नाही.'
from Marathi Bollywood News, Marathi Cinema News https://ift.tt/2TeabGp
