मुंबई: बॉलिवूड सुपरस्टार सलमान खानचा चित्रपट '' अलिकडच्याच काळात रिलीज झाला आहे. प्रेक्षक आणि समीक्षकांकडून या चित्रपटाला संमिश्र प्रतिसाद मिळाला. या चित्रपटानं अनेक रेकॉर्ड्स तोडले असले तरी अनेकांनी या चित्रपटवर नकारात्मक समीक्षा देखील केली आहे. सोशल मीडियावर सलमान खानबद्दल नेहमीच वाईट बोलणाऱ्या कमाल आर खाननं देखील राधेची नकारात्मक समीक्षा केली. पण असं करणं त्याला चांगलंच महागात पडलं आहे. सलमान खानच्या लीगल टीमनं मुंबईच्या न्यायालयात एक केस दाखल केली असून त्याची नोटीस २४ मे रोजी केआरके म्हणजे कमाल आर खानला पाठवण्यात आली आहे. केआरकेनं स्वतःच याबद्दलची माहिती ट्विटरवरून दिली आहे. त्यानं आपल्या ट्वीटमध्ये लिहिलं, 'सलमान खाननं चित्रपट 'राधे'च्या समीक्षेसाठी माझ्यावर मानहानीचा खटला दाखल केला आहे.' आपल्या अन्य एका ट्वीटमध्ये केआरकेनं म्हटलं आहे की तो यापुढे कधीच सलमानच्या कोणत्याही चित्रपटावर समीक्षा करणार नाही. त्यानं आपल्या ट्वीटमध्ये लिहिलं, 'मी अनेकदा हे सांगितलं आहे की, जर कोणताही अभिनेता किंवा निर्माता त्याच्या चित्रपटाची समीक्षा न करण्यास सांगत असेल तर मी ती करणार नाही. सलमाननं 'राधे'साठी माझ्या विरोधात मानहानीचा खटला दाखल केला आहे. म्हणजेच त्याला माझ्या समीक्षेवर आक्षेप आहे. त्यामुळे मी आता यापुढे कधीच त्याच्या चित्रपटची समीक्षा करणार नाही.' सलमान खानच्या लीगल टीमनं केआरकेला पाठवलेल्या या नोटीसच्या संदर्भात लवकरच सुनावणी होणार आहे. ही सुनावणी अडिशनल सेशन जज सिटी सिविल कोर्टमध्ये गुरुवारी होऊ शकते. प्रभूदेवाच्या दिग्दर्शनाखाली तयार झालेला 'राधे' चित्रपट १३ मे रोजी रिलीज झाला होता. या चित्रपटा सलमान व्यतिरिक्त, दिशा पाटनी, जॅकी श्रॉफ, रणदीप हुड्डा, गौतमी गुलाटी यांच्या महत्त्वपूर्ण भूमिका होत्या.
from Marathi Bollywood News, Marathi Cinema News https://ift.tt/3oQYnWl
