मुंबई : करोनामुळे सर्व सिनेमा आणि मालिकांचे चित्रीकरण बंद आहेत. त्यामुळे बहुतांश कलाकार घरीच आहेत. मग हे कलाकार आपल्या पाळीव प्राण्यांना घेऊन सार्वजनिक ठिकाणी फिरायला जातात. त्यांचे फोटो सोशल मीडियावर व्हायरल होतात. अशा सेलिब्रिटिंना पाहून अभिनेता चांगलाच भडकला आहे. त्याने पाळीव प्राण्यांना फिरायाला घेऊन जाणाऱ्यांना एक प्रश्नही विचारला आहे. रोहितने केले ट्वीट रोहितने ट्वीट करत प्रश्न विचारला की, 'सर्वांचे लाडके सेलिब्रिटी पाळीव प्राण्यांबरोबर फिरतानाचे अतिशय कूल आणि क्लासिक लुकमधील फोटो सोशल मीडियावर व्हायरल होतात. ते पाहून माझ्या मनात एक विचार येतो की यांचे पाळीव प्राणी जेव्हा रस्त्यावर ते शौच करतात ते कोण उचलत असेल? त्यांच्या हातात तर मला कधी प्लॅस्टिकची पिशवी दिसत नाही.' रोहित रॉयने केलेल्या या ट्वीटवर त्याचा भाऊ रोनित रॉयनेही उत्तर दिले आहे. त्याने लिहिले की, 'ही या लोकांची जुनी सवय आहे. यांनी केलेली घाण दुसऱ्यांना येऊन स्वच्छ करावी लागते.' मलायकापासून नेहा शर्मा, सोफी यांचे फोटो व्हायरल अनेकदा आपल्या पाळीव कुत्र्याला घेऊन बाहेर फिरताना दिसते. तिच्याप्रमाणेच नेहा शर्मा, सोफी चौधरी देखील आपल्या कुत्र्याला फिरवताना दिसल्या आहेत. सध्या आपल्या पाळीव प्राण्यांना बाहेर फिरायला नेणे हे जणूकाही लाइफस्टाइल दाखवण्याची एक रितच झाले आहे. त्यामुळेच रोहितने करोना काळात शहरातील स्वच्छतेबद्दल हा प्रश्न विचारला आहे. याआधीही केली होती टीका रोहित रॉयने सेलिब्रिटींवर पहिल्यांदाच टीका केली असं नाही. काही दिवसांपूर्वी सेलिब्रिटी शहरात विविध ठिकाणी फिरताना दिसत होते. त्यावर त्याने ट्वीट करत विचारले होते की, 'मला एका गोष्टीचे आश्चर्य वाटते की हे सर्व कलाकारांना शहरात फिरता तरी कसे येते? त्यांचे फोटोदेखील कसे काढले जातात... आता मला देखील जीमला, एअरपोर्टला, हॉस्पिटलला जाताना तयार होऊन जायला पाहिजे.' दरम्यान, रोहितच्या कामाबद्दल सांगायचे तर यावर्षी प्रसिद्ध झालेल्या 'मुंबई सागा' सिनेमात तो दिसला होता.
from Marathi Bollywood News, Marathi Cinema News https://ift.tt/3fWhjPl
