नवी दिल्ली : महामारीच्या दुसऱ्या लाटेत मेडिकल उपलब्ध न झाल्याने शेकडो लोकांना आपले प्राण गमवावे लागल्याचे समोर आले आहे. करोनाचा संसर्ग झाल्यानंतर शरीरातील ऑक्सिजन पातळी कमी होत जाते व तब्येत अधिकच बिघडते. त्यामुळे शरीरातील ऑक्सिजन वारंवार तपासणे गरजेचे असते. वाचाः सध्या घरच्या घरी ऑक्सिजन पातळी तपासण्यासाठी ऑक्सिमीटरचा मोठ्या प्रमाणात वापर केला जात आहे. तर काहीजण यासाठी किंवा अ‍ॅपल वॉचचा वापर करत आहेत. ऑक्सिजन तपासण्यासाठी स्मार्टवॉच की कमी किंमतीतील ऑक्सिमीटर कशाला प्राधान्य द्यावे, हे जाणून घेऊ. ऑक्सिजन तपासण्यासाठी कधीही स्मार्टवॉच अथवा स्मार्ट बँडच्या तुलनेत एक चांगला ऑक्सिमीटर अधिक विश्वसनीय ठरतो. कारण यात दोन्ही डिव्हाइसमधील टेक्नोलॉजीमध्ये फरक आहे. ब्लड ऑक्सिजन लेव्हल तपासण्यासाठी रिफ्लेक्शन ऑक्सिमेट्री आणि ट्रांसमिटेड ऑक्सिमेट्री अशा दोन पद्धती आहेत. स्मार्टवॉचमध्ये रिफ्लेक्शन ऑक्सिमेट्रीचा वापर केला जातो, तर सामान्य ऑक्सिमीटरमध्ये ट्रांसमिटेड ऑक्सिमेट्रीचा वापर केला जातो. वाचाः रिफ्लेक्शन ऑक्सिमेट्री आणि ट्रांसमिटेड ऑक्सिमेट्रीमध्ये फरक काय ? ट्रांसमिटेड ऑक्सिमेट्री – ट्रांसमिटेड ऑक्सिमेट्रीला ऑक्सिजन मोजण्यासाठी सर्वात चांगले मानले जाते. या डिव्हाइसमध्ये दोन्ही कोपऱ्यांवर लावण्यात आलेल्या सेंसरचा वापर होतो. जेव्हा बोट ऑक्सिमीटरच्या मध्यभागी ठेवलेले असते, त्यावेळी एक कोपरा लाइट सोर्सचा वापर करून प्रकाश उत्सर्जित करतो, यातून प्रकाश बोटातून दुसऱ्या कोपऱ्यातील सेंसरला स्पर्श होतो. हे सेंसर फोटोडायोड असते. या सेंसरद्वारे प्रकाश गुणधर्म आणि व्हेवलेंथ मोजल्या जातात. त्यानंतर अचूक ऑक्सिजन पातळी आपल्याला दिसते. रिफ्लेक्शन ऑक्सिमेट्री – याचा वापर स्मार्टवॉच आणि फिटनेस बँडमध्ये केला जातो. यात ऑक्सिजनला लाइटद्वारे मोजले जाते, जे त्वचेच्या खाली रक्तातून रिफ्लेक्ट होते. यात लाइट एमिटिंग सेंसर आणि प्रकाश मोजणारे सेसंर एकाच बाजूला देण्यात आले आहे. स्मार्टवॉचमध्ये लाइट ट्रांसमिशन होत नाही. यातून हे सिद्ध होते की, ऑक्सिजन लेव्हल तपासण्यासाठी ट्रांसमिटेड ऑक्सिमेट्री अधिक अचूक आहे, कारण यातून प्रकाश किरण शरीरातील एका भागातून पार होते. ऑक्सिजन मोजण्यासाठी स्मार्टवॉचच्या तुलनेत ऑक्सिमीटर अधिक अचूक आहे. वाचाः वाचाः वाचाः
from Gadget News in Marathi: Computer, Mobile, Auto News in Marathi | Maharashtra Times https://ift.tt/33Gf3Gy
