..म्हणून रणबीरसोबत एकाच घरात राहायला तयार नाहीत नीतू सिंग

मुंबई- बॉलिवूड अभिनेते ऋषी कपूर यांचं वर्षभरापूर्वी निधन झालं. त्यांच्या जाण्याने एकट्या पडल्या. अनेकांच्या मते नीतू यांनी एकटेपणा घालवण्यासाठी त्यांच्या मुलांसोबत राहायला हवं होतं. दुसरी कोणतीही आई असती तर तिनेही कदाचित हेच केलं असतं. परंतु, प्रत्यक्षात मात्र नीतू यांचे विचार इतरांपेक्षा खूपच वेगळे आहेत. त्यांना त्यांच्या मुलांसोबत राहणं फारसं पसंत नाहीये. त्या एकट्या राहणं जास्त पसंत करतात. नुकत्याच दिलेल्या एका मुलाखतीत नीतू यांनी या गोष्टीचा खुलासा केला की त्यांना सोबत राहायला आवडत नाही. मुलांसोबत राहायला होते अडचण एका वृत्तवाहिनीला दिलेल्या मुलाखतीत नीतू यांनी म्हटलं, 'मला वाटतं माझ्या मुलांनी त्यांच्या आयुष्यात व्यग्र राहावं. मी म्हणते की माझ्या मनात राहा पण डोक्यावर चढू नका. जेव्हा रिद्धिमा मागच्या वर्षी झालेल्या लॉकडाउनमधे माझ्यासोबत राहायला आली होती. तेव्हा ती एक वर्ष इथेच अडकून होती. पण तिच्या इथे असण्याने मला अडचण व्हायला लागली होती. मी तिला म्हणायचे की परत जा, भरत एकटा आहे. मी नेहमी तिला घालवायच्या मागे असायचे. मला माझा एकटेपणा आवडतो. मला असंच जगायची सवय झाली आहे.' रिद्धिमा दूर गेली तेव्हा रडल्या होत्या नीतू सिंह मुलांपासून वेगळं राहण्याबद्दल बोलताना नीतू म्हणाल्या, 'जेव्हा रिद्धिमा पहिल्यांदा लंडनला अभ्यासासाठी गेली होती. तेव्हा मी खूप रडले होते. जे कुणी तिला बाय बोलण्यासाठी येई त्यांच्यासमोर मी रडत होती. पण जेव्हा रणबीर लंडनला जायला निघाला तेव्हा मला काहीच वाटलं नाही. मला पाहून रणबीरने एकदा विचारलं होतं की, तू माझ्यावर प्रेम नाही का करत? पण तेव्हा मला मुलांपासून दूर राहायची सवय झाली होती. रोज भेटू नका पण संपर्कात राहा नीतू म्हणतात की, 'मला बरं वाटतं जेव्हा ते येतात पण मला वाटत की त्यांनी त्यांच्या घरी जावं. मी त्यांना म्हणते की रोज भेटू नका पण संपर्कात राहा. मला नाही वाटत की त्यांनी प्रत्येकवेळी माझ्या आजूबाजूला राहावं. मी खूप स्वावलंबी आहे. मला असंच आयुष्य पसंत आहे.'

from Marathi Bollywood News, Marathi Cinema News https://ift.tt/3tL0RGS