मुंबई: बॉलिवूड अभिनेत्री सोनाक्षी सिन्हाचा आज ३४ वा वाढदिवस. पटना येथे जन्मलेल्या सोनाक्षीनं फॅशन डिझाइनमध्ये आपलं ग्रॅज्युएशन पूर्ण केलं. प्रसिद्ध अभिनेता शत्रुघ्न सिन्हा यांची मुलगी असलेल्या सोनाक्षीनं २०१० साली सलमान खानच्या 'दबंग' बॉलिवूडमध्ये पदार्पण केलं. सोनाक्षीनं स्वतःच्या अभिनयाच्या जोरावर बॉलिवूडमध्ये स्वतःचं वेगळं स्थान निर्माण केलं. बॉलिवूडमध्ये एंट्री केल्यानंतर कधी फिटनेस तर कधी आपल्या लव्ह लाइफमुळे सोनाक्षी चर्चेत राहिली. एवढंच नाही तर सलमानच्या कुटुंबातील एका व्यक्तीसोबत तिचं अफेअरही होतं आणि तिच्या या नात्याची सोशल मीडियावर बरीच चर्चा देखील झाली होती. एका मुलाखतीत सोनाक्षीनं तिला कसा लाइफ पार्टनर हवा आहे याची चर्चा केली होती. या मुलाखतीत सोनाक्षी म्हणाली, 'मला वाटतं माझ्या होणाऱ्या पतीनं मला माझी स्पेस द्यावी. त्यानं मला बंधनात ठेवलेलं मला अजिबात आवडणार नाही.' याच मुलाखतीत तिनं मुलींना लग्नासंबंधी एक सल्ला दिला होता. ती म्हणाली, 'लग्न कोणाशीही करा पण कोणत्याही चुकीच्या कारणासाठी लग्न कधीच करू नका.' याच मुलाखतीत सोनाक्षीला कोणत्या अभिनेत्यावर क्रश आहे का असा प्रश्न विचारला होता. त्यावर उत्तर देताना सोनाक्षीनं सुपरहिरो हृतिक रोशनचं नाव घेतलं. ती म्हणाली, 'मी जेव्हा हृतिक रोशनचा 'कहो ना प्यार है' पहिल्यांदा पाहिला होता त्यावेळीपासून मला हृतिकवर क्रश आहे.' विशेष म्हणजे हृतिकचा हा चित्रपट रिलीज झाला त्यावेळी सोनाक्षी १३ वर्षांची होती तर हृतिक २६ वर्षांचा होता. सध्या तरी सिंगल आहे. पण ती सलमान खानचा लहान भाऊ आणि अभिनेता सोहेल खानच्या पत्नीचा भाऊ बंटी सचदेवसोबत रिलेशनशिपमध्ये होती. अनेक वर्षं हे दोघंही एकमेकांना डेट करत होते आणि त्यांच्या या नात्याची सोशल मीडियावर बरीच चर्चा झाली होती. पण नंतर त्यांचा काही कारणांनी ब्रेकअप झाला. अन्यथा सोनाक्षी कदाचित सलमानच्या कुटुंबाचा भाग असली असती. याशिवाय सोनाक्षीचं नाव अर्जुन कपूर, रणवीर सिंह आणि शाहिद कपूर यांच्याशीही जोडलं गेलं होतं. सोनाक्षीच्या कामाबद्दल बोलायचं तर ती शेवटची सलमान खानच्या 'दबंग ३' या चित्रपटात दिसली होती. याशिवाय आपल्या आतापर्यंतच्या बॉलिवूड कारकिर्दित सोनाक्षीनं 'रावडी राठोड', 'सन ऑफ सरदार', 'लूटेरा', 'बॉस', 'हॉलीडे', 'तेवर', 'मिशन मंगल', 'खानदानी शफाखाना', 'आर.. राजकुमार' 'नूर' यांसारख्या चित्रपटांध्ये काम केलं आहे.
from Marathi Bollywood News, Marathi Cinema News https://ift.tt/3cby3Bg
