मुंबई: अभिनेत्री सनी लिओनीचा देशभरात बराच मोठा चाहता वर्ग आहे. सनी बॉलिवूडच्या चित्रपटांध्ये फारशी दिसत नसली तरीही सोशल मीडियावर मात्र बरीच चर्चेत असते. सोशल मीडियावर सध्या सनी लिओनीचा एक पोस्ट खूप चर्चेत आहे. दिल्लीतील एका हॉटेलनं त्यांच्या मलाई चाप डिशचं नाव सनी लिओनीच्या नावावरून ठेवलं आहे. सोशल मीडियावर जेव्हा सनीनं या हॉटेलचा फोटो शेअर केला तेव्हापासून या रेस्ताराँची चर्चा होताना दिसत आहे. सनी लिओनीनं तिच्या इन्स्टाग्राम स्टोरीवर दिल्लीतील एका हॉटेलचा फोटो शेअर केला आहे. गीता कॉलनी भागातील सिंह वेज ग्रील मलाई चापवाल्या एका हॉटेलमध्ये सनी लिओनीच्या नावाच्या अशा डिश मिळतात की त्यांनी नावं वाचूनच हसू आवरणार नाही. या फोटोमध्ये डिशेसची नावं सनी लियोनी चाप, बेबी डॉल चाप आणि मिया खलीफा चाप अशी आहेत. सनीनं हा फोटो तिच्या इन्स्टाग्रामवर शेअर करत त्याला 'LOL' असं कॅप्शन दिलं. याआधीही दिल्लीच्या एका हॉटेलनं त्यांच्या मीट कबाबचं नाव सनी लिओनीच्या नावावरून ठेवलं होतं. ज्यानंतर सोशल मीडियावर यावरून अनेक मीम्स व्हायरल झाले होते. सनी लिओनीच्या लोकप्रियतेबद्दल बोलायचं तर त्याचा अंदाज तिच्या सोशल मीडियावरूनच लावता येईल. इन्स्टाग्रामवर तिचे तब्बल ४.५ कोटींपेक्षा जास्त फॉलोअर्स आहेत. सोशल मीडियावर खूप सक्रिय आहे. ती नेहमीच तिचे फोटो आणि व्हिडीओ सोशल मीडियावर पोस्ट करत असते. जे सोशल मीडियावर नेहमीच व्हायरल होत असतात. सनीच्या कामाबद्दल बोलायचं तर ती शेवटची वेब सीरिज 'बुलेट्स'मध्ये दिसली होती. ज्यात तिच्यासोबत टीव्ही अभिनेत्री करिश्मा तन्ना मुख्य भूमिकेत होती. लवकरच ती 'शेरो'मधून प्रेक्षकांच्या भेटीला येणार आहे. याशिवाय ती अनामिका या वेब सीरिजमध्येही दिसणार आहे. ज्याचं दिग्दर्शन विक्रम भट्ट करत आहे.
from Marathi Bollywood News, Marathi Cinema News https://ift.tt/3p9UTi2
