मुंबई : ज्येष्ठ अभिनेते यांचा आज ७४ वा वाढदिवस. अशोक सराफ हे नाव मराठी सिनेप्रेमींसाठी नक्कीच नवं नाही. या नावाला कोणत्याही प्रस्तावनेची गरज नाही. आपल्या कामातूनच त्यांनी मराठी सिनेसृष्टीत स्वतःचं एढळ स्थान निर्माण केलं आहे. अशोक सराफ आणि यांच्या जोडीला ऑनस्क्रीनला आणि ऑफस्क्रिनही प्रेक्षकांनी भरभरून प्रेम केले आहे. या दोघांची प्रेमकहाणी त्या काळात खूपच गाजली होती. प्रेमाला कसलेही बंधन नसते हे अशोक आणि निवेदिता यांच्याबाबतीत अगदीच खरे ठरले. अशोक आणि निवेदिता यांच्या वयामध्ये १८ वर्षांचे अंतर आहे. मात्र त्यांच्या प्रेमात वयाचा अडसर कधीच आला नाही. अशोक सराफ यांचा 'दोन्ही घरचा पाहुणा' हा पहिला सिनेमा प्रदर्शित झाला तेव्हा निवेदिता अवघ्या सहा वर्षांच्या होत्या. अशोक आणि निवेदिता यांची पहिली भेट एका नाटकाच्या प्रयोगावेळी झाली. निवेदिता यांच्या वडिलांनी मुलीची ओळख अशोक यांच्याशी करून दिली होती. कालांतराने निवेदिता यांनीहीदेखील अभिनयाच्या क्षेत्रात पदार्पण केले. तेव्हा त्यांना अशोक सराफ यांच्यासोबत काम करण्याची संधी मिळाली. काम करता करता त्यांच्यात छान मैत्री झाली. नवरी मिळेल नवऱ्याला सिनेमात दोघांनी काम केलं. सिनेमात काम करताना त्यांच्या मैत्रीचे रुपांतर प्रेमात झाले. त्यानंतर दोघांनीही लग्न करण्याचा निर्णय घेतला. परंतु हे लग्न निवेदिता यांच्या घरच्यांना मान्य नव्हते. आपल्या मुलीने चित्रपट क्षेत्रातील व्यक्तीशी लग्न करू नये अशी आईची इच्छा असल्याने त्यांनी लग्नाला कडाडून विरोध केला होता. परंतु निवेदिता आपल्या निर्णयावर ठाम होता. अखेर घरच्यांनी नमते घेत दोघांच्याही लग्नाला संमती दिली. अशोक आणि निवेदिता यांनी गोव्यातील मंगेशीच्या देवळात जाऊन विधीवत लग्न केले. येथे लग्न करण्यामागे दोन गोष्टी होत्या. पहिले म्हणजे मंगेशी हे सराफ यांचे कुलदैवत होते आणि दुसरे म्हणजे याच मंदिरामध्ये या दोघांनी प्रेमाच्या आणि लग्नाच्या आणाभाका घेतल्या होत्या. त्यामुळे याच ठिकाणी लग्न करायचे असे त्यांनी ठरवले होते. लग्न झाल्यानंतर अशोक आणि निवेदिता दोघेही अभिनयाच्या क्षेत्रामध्ये कार्यरत होते. अशोक यांना अफाट लोकप्रियता मिळाली होती. निवेदिता यांनी संसारासाठी आणि त्यांच्या मुलासाठी अभिनयाच्या क्षेत्रातून काही काळासाठी ब्रेक घेतला. मुलगा मोठा होईपर्यंत निवेदिता सिनेसृष्टीपासून दूर होत्या. त्याच काळात अशोक हे लोकप्रियतेच्या शिखरावर पोहोचले होते. आपल्या या यशामध्ये पत्नी निवेदिताचा वाटा महत्त्वाचा आहे, असे अशोक सराफ आवर्जून सांगतात.
from Marathi Bollywood News, Marathi Cinema News https://ift.tt/3vS9rFA