मुंबई : गेल्या काही दिवसांपासून छोट्या पडद्यावरील कलाकार वादांमध्ये अडकले आहेत. आधी श्वेता तिवारी आणि तिचा नवरा अभिनव कोहली यांच्यातील वाद, त्यानंतर करण मेहरा आणि त्याची बायको निशा रावल यांच्यातील वाद चव्हाट्यावर आले. त्यात आता आणखी एका अभिनेत्याची भर पडली आहे. '' मधील अभिनेता पर्ल वी पुरीला अल्पवयीन मुलीवर बलात्कार केल्याप्रकरणी पोस्को अंतर्गंत शुक्रवारी रात्री उशीरा अटक करण्यात आली. त्याच्या अटकेची बातमी शनिवारी सकाळी वाऱ्याच्या वेगाने पसरली असून टीव्ही वर्तुळात खळबळ उडाली आहे. दरम्यान, अभिनेत्री हिने पर्लवर लावण्यात आलेले आरोप खोटे आणि बिनबुडाचे असल्याचे सांगत त्याला पाठिंबा दिला आहे. अभिनेत्री अनिताने पर्लसोबत नागिन ३ मध्ये काम केले आहे. अनिताने तिच्या इन्स्टाग्रामवर एक पोस्ट शेअर केली आहे. त्यात तिने लिहिले आहे, 'शनिवारी सकाळी उठल्यावर पर्लची बातमी समजली. माझ्या मते ही बातमी खोटी आणि बिनबुडाची आहे. मी पर्लला चांगली ओळखते. त्यामुळे हे खरे असूच शकत नाही. त्यावर झालेले आरोप खोटे आहेत. हे काही तरी वेगळेच प्रकरण असणार आहे, याची मला खात्री आहे. लवकरच सत्य काय आहे ते बाहेर येईल. तुला खूप सारे प्रेम.' ही पोस्ट करत अनिताने #ISTANDWITHPEARL हा हॅशटॅग दिला आहे. पर्लचे चाहते या हॅशटॅगला ट्रेंड करत आहेत. पर्लच्या चाहत्यांच्या मते त्याच्यावरील सर्व आरोप खोटे आहेत. त्याच्याबद्दल चुकीची माहिती पसरवली जात असून त्याची बदनामी केली जात आहे. पर्लला ओळखणारे कलाकार, चाहते त्याच्या बाजूने उभे राहिले आहेत. अनिता हसनंदानी आणि पर्ल यांनी नागिन ३ मध्ये काम केले आहे. तसेच सुरभी ज्येती, करिश्मा तन्ना देखील नागिन ३ मध्ये होत्या. नागिन ३ मधील सर्व कलाकारांसोबत पर्लचे चांगले संबंध आहेत. मालिकेमुळे पर्ल हा घराघरात ओळखला जाऊ लागला. आता त्याच्या करिअरला सुरुवात होत असताना त्याच्यावर अशा प्रकारचे आरोप लावण्यात आल्याने त्याच्या चाहत्यांनी नाराजी व्यक्त केली आहे.
from Marathi Bollywood News, Marathi Cinema News https://ift.tt/2TK6FnF