मुंबई : सिनेमा विश्वातील मोठ्या कुटुंबात जन्म घेतल्यानंतर ज्या कलाकारांनी सिनेमा विश्वात पदार्पण करण्यापूर्वी काही कलाकारांनी नोकरी केली होती. अशा कलाकारांमध्ये एक अभिनेत्री आहे ती म्हणजे . बॉलिवूडमधील सर्वात मोठे घराणे असलेल्या कपूर खानदानाशी सोनम संबंधित आहे. सोनम ही प्रसिद्ध अभिनेते अनिल कपूर यांची मुलगी, अर्जुन कपूरची चुलत बहिण आहे. सोनम एक आघाडीची अभिनेत्री आहे. अशा या अभिनेत्रीचा ९ जूनला तिचा ३६ वाढदिवस आहे. तुम्हांला हे माहिती आहे का, सोनम अभिनेत्री होण्याच्या आधी नोकरी करत होती. ती देखील कोणत्या मोठ्या कंपनीत नाही तर एका हॉटेमध्ये वेटर म्हणून! सोनम कपूरच्या फिल्मी करीअरबद्दल तर आपल्याला सगळ्यांना सिनेमात येण्याआधी वेटर म्हणून काम करायची सोनम कपूर ही ख्यातनाम अभिनेता अनिल कपूर यांची मुलगी आहे. मग सोनमला वेटरची नोकरी का करावी लागली होती? असा प्रश्न अनेकांना पडला होता. तर सोनमला नोकरीची गरज होती म्हणून तिने हे केले नाही तर तिला पॉकेटमनी जास्त हवा होता म्हणून ती हे काम करत होती. तेव्हा सोनम अवघी १५ वर्षांची होती. पॉकेटमनी जास्त मिळावा म्हणून तिने हे काम करायला सुरुवात केली. अर्थात एका आठवड्यानंतर तिने हे काम सोडून दिले. सोनमच्या हसण्याची टिंगल केल्याने केले ब्रेकअप आजमितीला सोनम कपूर ही हिंदी सिनेमा सृष्टीतील आघाडीची आणि सर्वात फिट अशी अभिनेत्री म्हणून ओळखली जाते. इतकेच नाही तर सिनेसृष्टीतील फॅशनिस्टा म्हणूनही ओळखली जाते. परंतु एकवेळ अशी होती की सोनम खूपच जाडी होती. ती कॉलेजमध्ये असताना तिच्या जाडेपणाची अनेकजण टिंगल करायचे. याची माहिती सोनमला देखील होती. परंतु १५ ते २० वर्षांची असताना तिला पीसीओसीचा त्रास असल्याने ती जाडी होती. याच जाडेपणामुळे तिने बॉयफ्रेंडलाही सोडले. अर्थात सोनमच्या जाडेपणावरून तिच्या बॉयफ्रेंडने काही अपशब्द तिला वापरले होते. त्यामुळे तिने हे नाते तोडून टाकले होते. सोनममुळे अर्जुने खाल्ला होता खूप मार सोनम आणि अर्जुन हे दोघे चुलत भावंडे आहेत. अगदी लहान असल्यापासून या दोघांमधील बाँडिंग खूपच स्ट्राँग आहे. हे दोघेजण एकाच शाळेमध्ये शिकायचे. जेव्हा केव्हा सोनमचे शाळेत भांडण व्हायचे तेव्हा ती अर्जुनकडे जायची. ते देखील तिची बाजू घेऊन सगळ्यांशी भांडायचा. अर्जुनने एका मुलाखतीमध्ये सांगितले की, सोनममुळे शाळेत असताना त्याने सिनअरकडून बेदम मार खाल्ला होता. सोनमला अभिनेत्री नव्हते व्हायचे सोनमने तिच्या करीअरची सुरुवात २००७ मध्ये संजय लीला भन्साळीच्या 'सांवरिया'पासून झाली. या सिनेमात तिच्यासोबत रणबीर कपूर मुख्य भूमिकेत होता. सोनमचा समावेश आजमितीला बॉलिवूडमधील ‘ए’ लिस्ट अभिनेत्रींमध्ये होतो. परंतु अनेकांना माहिती नसेल की, सोनमला अभिनेत्री व्हायचे नव्हते. तर तिला लेखक, दिग्दर्शक व्हायचे होते. या उद्देशाने ती मुंबईला परत आली. परत आल्यानंतर तिने संजय लीला भन्साळीबरोबर काम करायला सुरुवात केली. २००५ मध्ये प्रदर्शित झालेल्या राणी मुखर्जीच्या 'ब्लॅक' सिनेमासाठी सोनमने सहाय्यक दिग्दर्शक म्हणून काम केले. लेखक बनण्याचे स्वप्न घेऊन सोनम घेऊन मुंबईत आली होती, परंतु तिने अभिनेत्री व्हावे असे भन्साळी यांना वाटत होते. परंतु ती यासाठी तयार नव्हती. सोनमने 'सांवरिया' सिनेमात काम करावे, यासाठी तिची दीड वर्षे समजूत घालण्यात येत होती. सहा सुपरहिट सिनेमा सोनमने तिच्या करीअरमध्ये आतापर्यंत २३ सिनेमांत काम केले आहे. त्यात ११ सिनेमा बॉक्स ऑफिसवर दणकून आपटले. याव्यतिरीक्त सोनमचे सहा सिनेमे सुपरहिट ठरले. त्यामध्ये ‘नीरजा’, ‘रांझणा’, ‘भाग मिल्खा भाग’, ‘वीरे दी वेडिंग’, ‘प्रेम रतन धन पायो’ आणि ‘पॅडमॅन’ या सिनेमांचा समावेश आहे. 'नीरजा' ही सोनमच्या करीअरमधील सर्वोत्तम सिनेमा आहे. या सिनेमासाठी तिला राष्ट्रीय पारितोषिक मिळाले. दरम्यान, सोनमने उद्योजक आनंद आहुजा सोबत लग्न केले. लग्नानंतर सोनम व आनंद भारत आणि लंडन या दोन्ही ठिकाणी वास्तव्यास असते.
from Marathi Bollywood News, Marathi Cinema News https://ift.tt/3cs2pQf
