मुंबई- छोट्या पडद्यावरील लोकप्रिय अभिनेता याची पत्नी हिने करणवर घरगुती हिंसाचाराचे आरोप केले आहेत. काही दिवसांपासून निशा आणि करण यांच्या वैवाहिक जीवनात कुरबुरी सुरू असल्याच्या चर्चा होत्या. परंतु, ३१ मे रोजी निशाने करण विरुद्ध मारहाण केल्याची तक्रार दाखल केल्याने सगळ्यांनाच आश्चर्याचा धक्का बसला. निशाने करणचे विवाहबाह्य संबंध असल्याचंदेखील म्हटलं. निशाने नुकत्याच घेतलेल्या पत्रकार परिषदेत आणखी एका गोष्टीचा खुलासा केला आहे. निशाने तिला असल्याचं मान्य केलं आहे. निशाने दिली आजाराची कबुली जामिनावर सुटल्यावर करणने निशाला मानसिक आजार असल्याचं म्हटलं होतं. या गोष्टीचं स्पष्टीकरण देत निशाने म्हटलं, 'हो, मला बायपोलर डिसऑर्डर नावाचा मानसिक आजार आहे. परंतु, मी सायको नाहीये. हा आजार कोणालाही होऊ शकतो. कधी कधी तो मानसिक ताणामुळे होतो तर कधी जेनेटिक असतो. मी तुमच्यासोबत खोटं बोलणार नाही. कारण मला हे सांगायला मुळीच लाज वाटत नाही की २०१४ साली मला हा आजार झाला होता. हा एक मूड स्विंग करणारा आजार आहे. मी एक उत्तम लेखिका आहे. मी व्हिडीओ बनवते. मला माझ्या मानसिक स्थितीबद्दल तुम्हाला काहीही सिद्ध करून दाखवण्याची गरज नाही.' करणच्या वागण्यामुळे झाला आजार करणच्या वागण्याबद्दल सांगताना निशा म्हणाली, '२०१४ साली मी माझ्या बाळाला गमावलं. करण मला त्यापूर्वीही मारत होता. परंतु, ज्यावेळेस मला त्याची सगळ्यात जास्त गरज होती तेव्हा तो माझ्याशी तुसडेपणाने बोलायचा. मला मारायचा, शिव्या द्यायचा. त्याचं भयानक रूप मी २०१४ साली पहिल्यांदा पाहिलं. यासगळ्याचा मला खूप त्रास होत होता. त्यामुळे मी मानसोपचार तज्ज्ञांकडे जायचं ठरवलं. करणला ते देखील आवडत नव्हतं. त्याने माझं जिमवा जाणंदेखील बंद केलं होतं.' करण आणि निशाने एकमेकांना सहा वर्ष डेट केलं होतं. त्यानंतर २०१२ साली त्यांनी लग्न केलं. बायपोलर विकार म्हणजे काय? बायपोलर विकार ही एक मानसिक स्थिती आहे जिथे व्यक्तीचा स्वभाव काही क्षणात बदलतो. कधी ते प्रचंड आनंदी असतात तर दुसऱ्या क्षणी ते नैराश्यात जाऊ शकतात. याला मॅनिक डिप्रेशन असंही म्हणतात. या आजाराचा त्यांचा दैनंदिन जीवनावरही परिणाम होत असतो. याची मुख्य चिन्हे आणि लक्षणे काय आहेत ज्या मूडमध्ये व्यक्ती सगळ्यात जास्त आनंदी असते, त्याला मॅनिया म्हणतात. या मूडमध्ये ते जास्त आनंदी आणि सकारात्मक असतात, अतिउदार होऊन भेटवस्तू देणे किंवा अवास्तव खरेदी करणे यासारख्या गोष्टी खूप सहजपणे करतात. ते चिडचिडे असू शकतात आणि त्यांना भ्रम होऊ शकतात किंवा अस्तित्वात नसलेल्या गोष्टींवर विश्वास ठेवतात. या मूडच्या अगदी विरुद्ध टोकाचा मूड म्हणजे नैराश्य ज्यामध्ये व्यक्ती दु:खी असते, खिन्न राहतो, त्याला कोणत्याच गोष्टीत रस वाटत नाही. नैराश्य हे क्लिनिकल डिप्रेशनसारखे असते, जिथे व्यक्तीला इतरांशी कोणताच संवाद साधण्याची इच्छा नसते किंवा नेहमीच्या कामकाजात रस वाटत नाही. त्यांच्या मनात आत्महत्येचे विचार येऊ शकतात. या दोन मूड दरम्यान, बायपोलर विकार असलेला रुग्णाची वागणूक सर्वसामान्य असू शकते. याचा काही ठराविक कालावधी नसतो, असे कधी एक आठवड्यासाठी टिकू शकते, कधी महिनाभर राहते.
from Marathi Bollywood News, Marathi Cinema News https://ift.tt/3fHGN4n
