मुंबई- लोकप्रिय अभिनेत्री बॉलिवूडमधील हिट अभिनेत्रींपैकी एक आहे. तापसीने निरनिराळे आशय असलेल्या चित्रपटात काम करून बॉलिवूडमध्ये वेगळं स्थान निर्माण केलं. आपल्या अभिनयाने प्रेक्षकांना भुरळ पाडणारी तापसी आज १ ऑगस्ट रोजी तिचा ३४ वा वाढदिवस साजरा करत आहे. बॉलिवूड पदार्पणानंतर अनेक टोमणे ऐकणाऱ्या तापसीने तिच्या मेहनत आणि चिकाटीच्या जोरावर यशाचं शिखर सर केलं आहे. बॉलिवूडमधील हिट अभिनेत्री असणाऱ्या तापसीची महिन्याची कमाई लाखोंमध्ये आहे. १९८७ साली दिल्लीमध्ये जन्मलेल्या तापसीने अभियांत्रिकीचा अभ्यास सोडून मॉडेलिंगमध्ये करियर करायचं ठरवलं. अनेक मोठमोठ्या ब्रॅण्डसाठी मॉडेलिंग करत तिने अभिनय क्षेत्रात पाऊल ठेवलं. तापसीने सुरुवातीला अनेक दाक्षिणात्य चित्रपटांमध्ये काम केलं. परंतु, तापसीने काम केलेले चित्रपट बॉक्स ऑफिसवर फार काही कमाल दाखवू शकले नाहीत. त्यामुळे तापसीला फ्लॉप हिरोंची हिरोईन असे टोमणे मिळू लागले. तापसीने जिद्दीने बॉलिवूड पदार्पण करायचं ठरवलं. 'चश्मेबद्दूर' या चित्रपटातून तापसीने बॉलिवूडमध्ये आपल्या अभिनयाची छाप सोडली. त्यानंतर तापसीने मागे वळून पाहिलं नाही. 'बेबी' चित्रपटातील तापसीच्या भूमिकेचं प्रचंड कौतुक झालं. त्यानंतर तापसीने 'पिंक', 'नाम शबाना', 'जुड़वा 2', 'मुल्क', 'मनमर्जियां', 'बदला', 'मिशन मंगल', 'सांड की आंख', 'थप्पड़' आणि 'हसीन दिलरुबा' यांसारख्या चित्रपटात उत्कृष्ट काम केलं. तापसीच्या संपत्तीबद्दल सांगायचं तर तापसी जवळपास ४४ कोटी रुपयांची मालकीण आहे. ती प्रत्येक महिन्याला ३० लाखांच्या आसपास कमाई करते. तर प्रत्येक वर्षाला चार कोटी रुपयांची कमाई करते. चित्रपटांसोबतच तापसी एका ब्रॅण्ड प्रमोशनद्वारे दोन कोटींची कमाई करते. यासोबतच तिने अनेक ठिकाणी गुंतवणूक केलेली आहे. तापसीकडे मर्सिडीज, बीएमडब्ल्यूसारख्या महागड्या गाड्यादेखील आहेत. याशिवाय मुंबईत तापसीच्या मालकीची तीन घरं आहेत. त्यातील एका तीन बीएचकेच्या फ्लॅटमध्ये तापसी स्वतः राहते.
from Marathi Bollywood News, Marathi Cinema News https://ift.tt/3ffGQU7
