मुंबई- आपल्या आवडत्या कलाकारांबद्दल जाणून घेण्यासाठी चाहते नेहमी उत्सुक असतात. कलाकारांच्या आयुष्याबद्दल आणि लाइफस्टाइलबद्दल अधिक जाणून घेण्याची चाहत्यांची इच्छा असते. त्यामुळेच प्रत्येक कलाकार स्वतःकडे जास्तीत जास्त लक्ष देताना दिसतो. परंतु, कलाकारांबद्दल जाणून घेताना अनेकदा चाहते आपल्या सीमा ओलांडताना दिसतात. असंच काहीसं लोकप्रिय बॉलिवूड अभिनेता याची पत्नी सोबत घडलं आहे. तुटलेल्या घड्याळावरून अनेकांनी मीराला ट्रोल केलं. परंतु, मीराने देखील ट्रोलर्सना चांगलंच सुनावलं. मीरा सोशल मीडियावर प्रचंड सक्रिय असते. ती आपल्या वैयक्तिक आयुष्यातील अनेक गोष्टी चाहत्यांसोबत शेअर करत असते. नुकताच मीराने एक फोटो चाहत्यांसोबत शेअर केला होता. परंतु, नेटकऱ्यांचं लक्ष मात्र मीराच्या तुटलेल्या घड्याळावर अडकून राहिलं. त्यावरून अनेक युझर्सनी मीराला ट्रोलही केलं. तर काहींनी नवीन घड्याळ घेण्याचा सल्ला दिला. परंतु, मीराने ट्रोलर्सना उत्तर देत ती नवीन घड्याळ घेणार नसल्याचं स्पष्ट केलं. मीराने इन्स्टाग्राम स्टोरी शेअर करत लिहिलं, 'माझ्या घड्याळाने अनेकांचं लक्ष वेधून घेतलं. माझं घड्याळ बॉडी पॉझिटिव्ह आहे आणि ते तुटल्यानंतरही काम करतंय. प्रत्येकवेळी पट्टा बदलल्यानंतर ते एका नव्या लूकमध्ये दिसतं. त्यामुळे तुमच्या सांगण्यानुसार वागून मी माझं घड्याळ बदलणार नाही.' अशी पोस्ट करत मीराने तिला नवीन घड्याळ खरेदी करण्याचा सल्ला देणाऱ्या नेटकऱ्यांना उत्तर देत ती तिचं घड्याळ टाकणार नसल्याचं सांगितलं. सोबतच नेटकऱ्यांना या गोष्टीवर फार लक्ष देऊ नका असंही म्हटलं. मीरा बॉलिवूडचा भाग नसली तरी सोशल मीडियावर मीराची फॉलोविंग प्रचंड आहे. मीरा अनेक वस्तूंचं प्रमोशन करताना देखील दिसते.
from Marathi Bollywood News, Marathi Cinema News https://ift.tt/2XgwlKd
