मुंबई- लोकप्रिय बॉलिवूड अभिनेता याच्या मुत्यूशी संबंधित अमली पदार्थांच्या प्रकरणात पोलिसांनी सुशांतचा मित्र याला अटक केली होती. आता सिद्धार्थचा जामीन अर्ज न्यायालयाने फेटाळला आहे. सिद्धार्थचा जामीन अर्ज न्यायालयाने फेटाळण्याची ही दुसरी वेळ आहे. न्यायालयाला सिद्धार्थचा जामीन अर्ज मान्य करण्याचं कोणतंही योग्य कारण न मिळाल्याने हा अर्ज फेटाळण्यात आला. सिद्धार्थच्या लग्नासाठी न्यायालयाने त्याला काही दिवस तुरुंगातून बाहेर येण्याची परवानगी दिली होती. सिद्धार्थला जामीन देण्यासाठी नाही ठोस कारण नार्कोटिक्स कंट्रोल ब्युरोचे () झोनल डायरेक्टर समीर वानखेडे यांनी दिलेल्या माहितीनुसार, जामीन अर्जात न्यायालयाला सिद्धार्थला जामीन देण्याचं कोणतंही ठोस कारण मिळालं नाही. त्यामुळे न्यायालयाने हा अर्ज नामंजूर केला. यापूर्वीही सिद्धार्थची याचिका फेटाळण्यात आली होती. एनसीबीने सिद्धार्थला २८ मे रोजी अटक केली होती. सिद्धार्थच्या सोशल मीडिया अकाउंटवरून पोलिसांना त्याच्या ठिकाणाबद्दल माहिती मिळाली होती. २५ जून रोजी लग्नासाठी न्यायालयाने सिद्धार्थला तुरुंगातून बाहेर जाण्याची परवानगी दिली होती. त्यानंतर २ जुलै रोजी सिद्धार्थने पुन्हा स्वतःला पोलिसांच्या स्वाधीन केलं होतं. सुशांतला मृत अवस्थेत प्रथम पाहणारा होता सिद्धार्थ सुशांतच्या मृत्यूच्या वेळेस सिद्धार्थ हा पहिला व्यक्ती होता ज्याने सुशांतला मृत अवस्थेत पाहिलं होतं. पोलिसांच्या येण्यापूर्वीच सिध्दार्थने सुशांतचा मृतदेह पलंगावर ठेवला होता. या प्रकरणी पोलिसांनी सुशांतची मैत्रीण रिया चक्रवर्ती, तिचा भाऊ शौविक, सॅम्युअल मिरांडा आणि दीपेश सावंत सोबत इतर काही जणांना देखील अटक केली होती. सुशांतसोबत राहणाऱ्या केशव आणि नीरज यांनी अंमली पदार्थांच्या प्रकरणात सिद्धार्थचा सहभाग असल्याचे संकेत पोलिसांना दिले होते. त्यानंतर पोलीस सिद्धार्थच्या शोधात होते.
from Marathi Bollywood News, Marathi Cinema News https://ift.tt/3iDaogE
