मुंबई- छोट्या पडद्यावरील लोकप्रिय कार्यक्रम '' आता शेवटच्या टप्प्यात आला आहे. लवकरच प्रेक्षकांना 'इंडियन आयडल १२' चा महाअंतिम सोहळा पाहता येणार आहे. १५ ऑगस्ट रोजी होणाऱ्या या महाअंतिम सोहळ्यात अनेक दिग्गज गायक त्यांच्या कलेचं सादरीकरण करणार आहेत. हा सोहळा प्रचंड मोठा आणि भव्यदिव्य असणार आहे. यापूर्वी कधीही न झालेल्या अंतिम सोहळ्याप्रमाणे याचं आयोजन करण्यात आलं आहे. कार्यक्रमाचे निर्माते महाअंतिम सोहळ्याला आणखी भव्य बनविण्यासाठी तयारी करत आहेत. परंतु, या पर्वाचा विजेता कोण ठरणार या प्रश्नाने सर्वांचीच उत्सुकता ताणली गेली आहे. तब्बल १२ तास चालणाऱ्या या सोहळ्यात स्पर्धक गाणी गाऊन प्रेक्षकांकडे मतांची मागणी करणार आहेत. महाअंतिम सोहळ्यासाठी आता फक्त सहा स्पर्धक उरले आहेत. , मोहम्मद दानिश, शन्मुखप्रिया, अरूणिता कांजीलाल, निहाल आणि सायली कांबळे यांमध्ये कमालीची चुरस पाहायला मिळणार आहे. या स्पर्धकांपैकी एकाच्या डोक्यावर विजेत्याचा मुकुट सजणार आहे. परंतु, या पर्वाचा विजेता पवनदीप होऊ शकतो असा अंदाज मीडिया पोलवरून बांधला जात आहे. विजेत्याच्या निवडीसाठी सोशल मीडियावर अनेक पोल घेण्यात आले. त्यात सर्वाधिक मतं पवनदीपला मिळाल्याने तो या पर्वाचा विजेता बनण्याची शक्यता आहे. पवनदीपने आतापर्यंत प्रत्येक स्पर्धकाला बरोबरीची टक्कर दिली आहे. त्याची गायकी तर उत्तम आहेच सोबत पवनदीप निरनिराळी वाद्यदेखील उत्तमरीत्या वाजवू शकतो. त्याच्या या कलेवर आनंदित होऊन बप्पी लाहिरी यांनी पवनदीपला तबला भेट दिला होता. सोबतच पवनदीप आणि अरुणिताच्या जोडीने देखील प्रचंड लोकप्रियता मिळवली आहे. अंतिम सोहळ्याच्या आधीच सगळीकडे पवनदीपच्या नावाची चर्चा आहे. त्यामुळे पवनदीप या पर्वाचा विजेता ठरल्यास काही आश्चर्य नाही.
from Marathi Bollywood News, Marathi Cinema News https://ift.tt/3AAFxHU
