मुंबई- बॉलिवूड अभिनेता अनेकदा सोशल मीडियावर चर्चेत असतो. कधी त्याच्या चित्रपटांमुळे तर कधी पत्नी ऐश्वर्या राय- बच्चनमुळे. नेटकरी अनेकदा अभिषेकची तुलना वडील अमिताभ यांसोबत करताना दिसतात. नुकत्याच प्रदर्शित झालेल्या '' मधील अभिषेकच्या अभिनयाचं नेटकऱ्यांनी तोंडभरून कौतुक केलं होतं. या सगळ्यात सध्या अभिषेक एका वेगळ्याच कारणामुळे चर्चेत आहे. अभिषेकने नुकताच त्याचा मुंबईतील एक फ्लॅट विकला आहे. अभिषेकने अचानक त्याचा फ्लॅट विकल्याने चाहत्यांना देखील आश्चर्य वाटलं आहे. सोबतचं अभिषेकने हा निर्णय का घेतला याबद्दल नेटकऱ्यांमध्ये कुजबुज सुरू आहे. टाइम्स ऑफ इंडियाच्या माहितीनुसार, अभिषेकने त्याचा ओबेरॉय ३६० मधील ७ हजार ५२७ चौरस फूटाचा फ्लॅट विकला आहे. हा फ्लॅट इमारतीच्या ३७ व्या मजल्यावर आहे. २०१४ साली अभिषेकने हा फ्लॅट ४१ कोटी रुपयांना विकत घेतला होता. आता तो ४५ कोटी ७५ लाख रुपयांना विकला गेला आहे. याच इमारतीत शाहिद कपूर आणि अक्षय कुमार यांचेही फ्लॅट आहेत. अभिषेक या फ्लॅटमध्ये आतापर्यंत कधीही राहायला गेलेला नाही. अभिषेक, ऐश्वर्या आणि आराध्यासोबत जलसा बंगल्यावरच राहतो. त्यामुळे अभिषेकने नेमका हा फ्लॅट कोणत्या कारणासाठी विकला याचा खुलासा झालेला नाही. तर दुसरीकडे याचं वर्षी मे महिन्यात अमिताभ यांनी आणखी एका घराची खरेदी केली होती. अमिताभ यांनी अंधेरी भागात ड्युप्लेक्स अपार्टमेंट खरेदी केलं होतं ज्याची किंमत जवळपास ३१ कोटी आहे. अभिषेकच्या कामाबद्दल बोलायचं तर, तो शेवटचा 'द बिग बुल' चित्रपटात झळकला होता. अभिषेक लवकरच निमरत कौर सोबत 'बॉब बिस्वास' आणि चित्रांगदा सेन सोबत 'दसवी' चित्रपटात दिसणार आहे.
from Marathi Bollywood News, Marathi Cinema News https://ift.tt/3lZ3hkM
