मुंबई- लोकप्रिय बॉलिवूड अभिनेत्री आजही प्रेक्षकांच्या मनात जिवंत आहेत. आपल्या अदाकारीने आणि नितळ सौंदर्याने प्रेक्षकांना भुरळ घालणाऱ्या श्रीदेवी बॉलिवूडच्या पहिल्या महिला सुपरस्टार होत्या. श्रीदेवी यांचे बोलके डोळे आणि अप्रतिम अभिनय कौशल्य पाहून चाहते भारावून जात. प्रचंड मोठा चाहता वर्ग असलेल्या श्रीदेवी यांचं २०१८ साली निधन झालं. मृत्यूच्या वेळेस श्रीदेवी भाच्याच्या लग्नासाठी दुबईत होत्या. हॉटेलमधील बाथटबमध्ये पडून त्यांचं अपघाती निधन झालं. श्रीदेवी यांचा मृत्यू चाहत्यांच्या मनाला चटका लावून गेला. आज श्रीदेवी यांच्या पुण्यतिथीनिमित्त त्यांची मुलगी हिने एक भावुक पोस्ट शेअर केली आहे. जान्हवी श्रीदेवी यांच्या फार जवळ होती. जान्हवीने आईच्या जन्मदिनी इन्स्टाग्रामवर एक पोस्ट शेअर केली आहे. या पोस्टमध्ये जान्हवीने श्रीदेवींसोबतचा बालपणीचा फोटो शेअर केला आहे. ज्यात जान्हवी श्रीदेवी यांच्या कुशीत आहे आणि दोघीही आनंदाने हसत आहेत. हा फोटो शेअर करत जान्हवीने लिहिलं, 'वाढदिवसाच्या शुभेच्छा आई. मला तुझी खूप आठवण येते. सगळं काही तुझ्यासाठी आहे आणि नेहमीच राहील. मी तुझ्यावर खूप प्रेम करते.' जान्हवीच्या पोस्टवर अनेक कलाकारांनी प्रतिक्रिया दिल्या आहेत. जान्हवीप्रमाणे खुशी कपूरनेही आईला वाढदिवसाच्या शुभेच्छा दिल्या आहेत. खुशीने श्रीदेवी आणि बोनी कपूर यांचा फोटो इन्स्टाग्राम स्टोरीवर शेअर करत लिहिलं, 'मला रोज तुझी आठवण येते.' श्रीदेवी जान्हवीच्या बॉलिवूड पदार्पणासाठी उत्सुक होत्या. परंतु, जान्हवीच्या पहिल्या चित्रपटाच्या प्रदर्शनापूर्वीच श्रीदेवी यांचं निधन झालं होतं. सध्या जान्हवी 'गुड लक जेरी' चित्रपटाच्या चित्रीकरणामध्ये व्यस्त आहे. यापूर्वी जान्हवी 'धडक', 'घोस्ट स्टोरीज', 'गुंजन सक्सेना' या चित्रपटात झळकली आहे.
from Marathi Bollywood News, Marathi Cinema News https://ift.tt/3iKrQ33
