मुंबई- भारतीय खेळाडू नीरज चोप्राने टोकियो ऑलिम्पिकमध्ये सुवर्ण पदक जिंकून भारतीयांचं नाव अभिमानाने मोठं केलं. भालाफेक स्पर्धेत नीरज चोप्राने सूवर्ण पदक पटकावलं. नीरजला पदक मिळताच देशभरात एकच जल्लोषाचं वातावरण होतं. सर्वसामान्य लोकांसोबतच बॉलिवूड स्टार्सनेही नीरजचं कौतुक केलं. अनेकांनी सोशल मीडियावर नीरजचं कौतुक करायला सुरुवात केली. या दरम्यान अक्षय कुमारचे नाव ट्रेंडमध्ये येऊ लागले. या सगळ्यात अक्षय कुमारने नीरजच्या बायोपिकचे सर्व राइट्स विकत घेतले असे काही ट्वीट सोशल मीडियावर व्हायरल झाले होते. अक्षय नेहमी सत्य घटनेवर आधारित किंवा बायोपिक सिनेमांमध्ये काम करण्याला प्राधान्य देतो. याचमुळे य आता नीरज चोप्राच्या बायोपिकमध्ये अक्षय काम करणार असल्याचं अनेकांचं म्हणणं आहे. यासंबंधीचे अनेक मीम्सही व्हायरल होत आहेत. यात अक्षयने आता नीरजची बायोपिक बनवण्याची तयारी सुरू केल्याचं अनेकांचं म्हणणं आहे. असं जरी असलं तरी नीरज किंवा या दोघांनीही यासंदर्भात कोणतंही स्पष्टिकरण दिलेलं नाही. हे फक्त चाहत्यांकडून सोशल मीडियावर पोस्ट व्हायरल केल्या जात आहेत. अक्षय कुमारच्या सिनेमांबद्दल बोलायचं झालं तर सध्या तो बेल बॉटम या आगामी सिनेमाच्या प्रमोशनमध्ये व्यग्र आहे. अक्षय कुमारच्या बेल बॉटममध्ये लारा दत्ता, वाणी कपूर आणि हुमा कुरेशी यांच्याही महत्त्वपूर्ण भूमिका आहेत. या सिनेमाची कथारेस्क्यू मिशनवर आधारित आहे. यात देशातील काही हेर एकत्रित येऊन दहशतवाद्यांच्या कैदेतून सामान्य लोकांची सुटका करतात. सिनेमात अक्षय कुमार भारतीय गुप्तहेरच्या भूमिकेत दिसणार आहे.
from Marathi Bollywood News, Marathi Cinema News https://ift.tt/3CnlC0C
