मुंबई- टीव्ही अभिनेत्री रिद्धिमा पंडित लवकरच बिग बॉस १५ ओटीटी मध्ये दिसणार आहे. रिद्धिमा पंडितचा शोमधील प्रोमो रिलीज झाला आहे. रिद्धिमाने खतरों के खिलाडीमध्येही भाग घेतला होता. एवढेच नाही तर रिद्धिमाने हृतिक रोशनच्या भावालाही बरीच वर्ष डेट केलं आहे. रिद्धिमा पंडितने आपल्या करिअरची सुरुवात मॉडेलिंगमधून केली असली तरी मालिका हमारी बहू रजनीकांत मधून तिला खरी ओळख मिळाली. या व्यतिरिक्त, तिने वुटवरील यो के हुआ ब्रो या वेब सीरिजमध्ये रागिनीची भूमिका साकारली होती. शिल्पा शेट्टीची बहीण शमिता शेट्टीसोबत भांडण झाल्यानंतर रिद्धिमा पंडित चर्चेत आली होती. मात्र तिने असं काही झालं नसल्याचं म्हटलं. हृतिक रोशनच्या भावाला केलं होतं डेट रिद्धिमा पंडितने हृतिक रोशनचा चुलत भाऊ एहसान रोशनला डेट केले आहे. एहसान रोशन हा हृतिकचा काका आणि संगीत दिग्दर्शक राजेश रोशन यांचा मुलगा आहे. त्यांचे नाते सुमारे १० वर्षे टिकले. रिद्धिमाने स्वतःहून कधीही या नात्यावर शिक्कामोर्तब केले नाही. दोघेही वयाच्या १४ व्या वर्षापासून एकमेकांना डेट करत होते. ब्रेकअपनंतर रिद्धिमाने एहसानला तिचा फक्त मित्र म्हटले होते. सोशल मीडियावर शेअर करते बोल्ड फोटो रिद्धिमा पंडित तिचे बोल्ड फोटो सोशल मीडियावर शेअर करण्यासाठीही प्रसिद्ध आहे. सोशल मीडियावर तिचे १७ लाखांहून अधिक फॉलोअर्स आहेत. बिग बॉसच्या आधी रिद्धिमा खतरों के खिलाडीच्या ९ व्या सीझनमध्येही दिसली होती. या वर्षी अभिनेत्रीच्या आईचे करोनामुळे निधन झाले. बिग बॉसच्या प्रोमोमध्ये माध्यमांनी रिद्धिमाला बाकीच्या स्पर्धकांना काय संदेश देशील असा प्रश्न विचारला तेव्हा तिने बिग बॉस ओटीटीच्या विजेतीपासून दूर राहा असं तडक उत्तर दिलं.
from Marathi Bollywood News, Marathi Cinema News https://ift.tt/37q1BZc
