मुंबई : अभिनेत्री शिल्पा शेट्टीचा नवरा आणि उद्योगपती ला पॉर्नोग्राफी प्रकरणी १९ जुलै रोजी मुंबई पोलिसांनी अटक केली. त्यानंतर शिल्पा शेट्टीने कार्यक्रमामधून ब्रेक घेतला होता. परंतु आत सुत्रांनी दिलेल्या माहितीनुसार तीन आठवड्यांनंतर कार्यक्रमाच्या सेटवर परतली आहे. सुपर डान्सर ४ च्या सेटवर परतली शिल्पा टाइम्स ऑफ इंडियाने दिलेल्या वृत्तानुसार सुपर डान्सर हा कार्यक्रम २०१६ मध्ये सुरू झाला. तेव्हापासून शिल्पा शेट्टी या कार्यक्रमात परीक्षक म्हणून जबाबदारी सांभाळत आहे. कार्यक्रमाचे निर्माते देखील शिल्पा कधी परत येते याची वाट बघत होते. त्यामुळेच त्यांनी अन्य कोणत्याही कलाकाराला शिल्पाच्या जागी घेतले नाही. शिल्पा आता परत येत असल्याने आम्हाला आनंद होत आहे. कार्यक्रमाचे हे पर्व संपेपर्यंत शिल्पा या कार्यक्रमात असेल, अशी आम्हाला अपेक्षा आहे, अशी प्रतिक्रिया निर्मात्यांनी दिली. या वृत्तामध्ये पुढे असेही नमूद केले की, पॉर्नोग्राफी प्रकरणी शिल्पाचा नवरा राजला पोलिसांनी अटक केली. राजला अटक झाल्यानंतर या कार्यक्रमात परतण्यासाठी शिल्पाला खूप हिंमत एकवटावी लागली. परंतु शिल्पा आता या कार्यक्रमात परत येत असल्याने निर्माते आनंदित आहेत. सुपर डान्सर ४ कार्यक्रमात शिल्पा, अनुराग बसू आणि गीता कपूर यांच्यासह परीक्षक म्हणून काम पाहते. दरम्यान तीन आठवडे या कार्यक्रमात शिल्पा सहभागी झाली नव्हती. तिच्या अनुपस्थितीत संगीता बिजलानी, जॅकी श्रॉफ, टेरेंस लुइस, सोनाली बेंद्रे, मौसमी चॅटर्जी, करिष्मा कपूर हे प्रमुख पाहुणे म्हणून कार्यक्रमात सहभागी झाले होते. पॉर्नोग्राफी प्रकरणी अटक झालेला राज कुंद्रा सध्या न्यायालयीन कोठडीत आहे. या घटनेनंतर सोशल मीडियावर शिल्पाला सातत्याने ट्रोल केले जात आहे. राज कुंद्राच्या कंपनीशी तिचा काहीही संबंध नाही, असा जबाब शिल्पा शेट्टीने पोलिसांकडे नोंदवला आहे.
from Marathi Bollywood News, Marathi Cinema News https://ift.tt/3xNZ8T2
