म. टा. प्रतिनिधी, मुंबई अद्वैत थिएटर या नाट्यनिर्मिती संस्थेचे निर्माते यांनी त्यांच्या '' या नाटकाचा सेट (नेपथ्य) चोरीला गेला असल्याची तक्रार शिवडी पोलिस ठाण्यात दिली आहे. 'करोनामुळे सध्याच्या लॉकडाउनच्या काळात नाट्यसृष्टी बंद आहे. त्यामुळे माझ्या 'अलबत्या गलबत्या' या नाटकाचा सेट प्रवीण भोसले यांच्या काळाचौकी येथील गोदामात ठेवण्यात आला होता. मात्र, तो सेट कोणतीही पूर्वकल्पना न देता आणि सुरेश सावंत यांनी गोदाम मालकास खोटे सांगून गोदामातून चोरून 'भक्षक' या एकांकिकेच्या चित्रीकरणासाठी वापरला आहे,' असे भंडारे यांनी आपल्या तक्रारीत म्हटले आहे. अभिनेते श्रेयस तळपदे यांच्या '' या ओटीटी प्लॅटफॉर्मसाठी काही दिवसांपूर्वी 'भक्षक' या एकांकिकेचे चित्रीकरण दादर येथील स्वातंत्रवीर सावरकर नाट्यगृहात झाले. या चित्रीकरणावेळी 'अलबत्या गलबत्या' या नाटकाचा सेट वापरण्यात आल्याचे नाटकाचे निर्माते राहुल भंडारे यांनी सांगिलते. ते पुढे म्हणतात, 'अलबत्या गलबत्या या नाटकाशी निगडीत सर्व सेट हा अद्वैत थिएटर संस्थेची 'इंटेलेक्च्युअल प्रॉपर्टी' असून, आमच्या परवानगीशिवाय वापरली असल्यामुळे हे चित्रीकरण कुठेही प्रदर्शित करू नये; अन्यथा 'इंटेलेक्च्युअल प्रॉपर्टी राइट्स' अंतर्गत श्रेयस तळपदे आणि सुरेश सावंत यांच्यावर कायदेशीर कारवाई करण्यात येईल.' दुसरीकडे भक्षक या एकांकिकेचे निर्माते सुशांत शेलार यांनी 'मटा'ला सांगितले की, 'एक निर्माता म्हणून नाटकाशी निगडित प्रकरणासाठी राहुल भंडारे यांनी मला पहिल्यांदा संपर्क साधायला हवा होता. यात अभिनेते श्रेयश तळपदे यांचे नाव गोवून; राहुल यांनी स्वतः प्रसिद्धी मिळवण्याचा प्रयत्न केला आहे. मी माझ्या एकांकिकेचा सेट उभारण्यासाठी सुरेश सावंत यांना पैसे दिले होते. त्या सेटमधील काही सामग्री ही राहुलच्या नाटकाची आहे का? याबाबत मला पूर्वकल्पना नव्हती. तशी असल्यास मी त्या सेटचे भाडे किंवा आर्थिक मोबदला राहुल यांना दिला असता.' मी नाट्यनिर्माते राहुल भंडारे यांना वैयक्तिकरित्या ओळखत नाही. मी आमच्या 'नाइन रसा' या ओटीटी प्लॅफॉर्मवर नाट्यनिर्मात्यांनी निर्मिलेल्या कलाकृतींचे सादरीकरण करतो. अनेक निर्माते आणि त्यांची नाटके, एकांकिका आमच्या प्लॅफॉर्मवर येत आहेत. त्या नाटकाच्या निर्मितीची जबाबदारी संबंधित नाटकाच्या निर्मात्यांची असते. त्यामुळे माझे नाव यात गुंतवणे चुकीचे आहे. केवळ माझी बदनामी करण्याचा किंवा माझ्या नावाचा प्रसिद्धीसाठी वापर करून स्वतः प्रसिद्धी मिळवण्याचा हा प्रयत्न असेल; तर ते चुकीचे आहे. माझी बदनामी करण्याचा हा प्रयत्न असल्यास मी माझ्या वतीने पुढील कायदेशीर हालचाली करेन. - श्रेयस तळपदे, अभिनेता
from Marathi Bollywood News, Marathi Cinema News https://ift.tt/2VGc80b
