मुंबई: कॉमेडियन लवकरच त्याचा कॉमेडी शो ''मधून प्रेक्षकांच्या भेटीला येत आहे. या शोचा पहिला एपिसोड येत्या २१ ऑगस्टला रिलीज होणार आहे. पहिल्या आठवड्यात अक्षय कुमार आणि कपिल शर्माचे पाहुणे म्हणून शोमध्ये हजेरी लावणार आहेत. आता शो मेकर्सनी दोन्ही एपिसोडचे नवीन प्रोमो रिलीज केले आहेत. ज्याची चर्चा सोशल मीडियावर होताना दिसत आहेत. सोशल मीडियावर सध्या सर्वाधिक चर्चेत आहे तो अजय देवगणच्या एपिसोडचा नवा प्रोमो. ज्यात तो कपिल शर्माची जोरदार खिल्ली उडवताना दिसत आहे. या प्रोमोमध्ये अजय देवगण कपिल शर्मा दुसऱ्यांदा बाबा झाल्याबद्दल त्याची मस्करी करताना दिसत आहे. तो कपिल शर्माला असं काही बोलतो की कपिल चक्क लाजू लागतो. पण दुसऱ्याच मिनिटाला तो अजयला मजेदार उत्तरही देतो जे ऐकल्यावर अजय देवगणसोबतच अर्चना पुरण सिंहलाही हसू आवरणं कठीण होऊन जातं. या व्हिडिओमध्ये अजय देवगण कपिल शर्माला विचारतो, 'तुझा शो जानेवरीमध्ये बंद झाला होता ना?' यावर कपिल म्हणतो, 'हो, मागचा सीझन जानेवारी महिन्यात बंद झाला होता.' तेवढ्यात अजय म्हणतो, 'आणि फेब्रुवारीमध्ये तुला मुलगा देखील झाला?' अजयच्या बोलण्यावर अगोदर कपिल लाजतो. पण लगेचच हजरजबाबीपणे त्याला उत्तर देतो, 'फेब्रुवारीमध्ये तर प्रॉडक्ट लॉन्च झालं होतं. शूटिंग तर ९ महिन्यांपासून सुरू होतं ना.' 'द कपिल शर्मा शो'च्या या नव्या सीझनमध्ये लाइव्ह ऑडियन्सही दिसणार आहे. करोनाच्या काळात सुरक्षेच्या दृष्टीकोणातून एपिसोडसाठी प्रेक्षकांचे कटआउट्स वापरण्यात आले होते आणि स्टुडिओमध्ये प्रेक्षकांना येण्यास परवानगी नव्हती. पण आता नव्य सीझनमध्ये प्रेक्षकही परत येणार आहे. पण त्यासाठी लसीकरण पूर्ण झालेलं असणं गरजेचं आहे. याशिवाय शूटिंग दरम्यान सोशल डिस्टंसिंगचे नियमही पाळले जात आहेत.
from Marathi Bollywood News, Marathi Cinema News https://ift.tt/380szGQ
