संपदा जोशी ० ' या सीरिजच्या माध्यमातून अनेक दिवसांनी प्रेक्षकांच्या भेटीला आला आहेस. मधले काही दिवस ठरवून ब्रेक घेतला होतास?- ही माझी पहिली मराठी वेब सीरिज आहे. मधले काही दिवस मला वेगवेगळ्या प्रोजेक्ट्ससाठी विचारणा झाली होती, पण मनासारखी संहिता नव्हती. या वेब सीरिजसाठी विचारणा झाल्यावर मी लगेच होकार दिला. ० 'शांतीत क्रांती'मधील तुझ्या भूमिकेविषयी सांग.- ही तीन मित्रांमधील मैत्रीच्या प्रवासाची गोष्ट आहे. प्रत्येकालाच आयुष्यात शांतता हवी असते आणि त्यासाठी आपण प्रयत्नशील असतो. ती शांतता मिळण्यासाठी आपण काय करू शकतो, हे सांगण्याचा प्रयत्न आम्ही केला आहे. मी प्रसन्न नावाची व्यक्तिरेखा साकारली आहे. तो जिल्हास्तरावर खेळलेला एक जलतरणपटू असतो आणि त्याचं ऑलिम्पिकमध्ये जाण्याचं स्वप्न असतं. ० हिंदी सीरिजचं वाढतं आकर्षण बघता मराठी सीरिज प्रेक्षकांची मनं जिंकू शकतील का?- अर्थात हो! मराठी मनोरंजनसृष्टीत चांगल्या संहिता आहेत आणि त्यांचं कौतुकही होतंय. आधी वेब सीरिजसाठीचे प्लॅटफॉर्म्स कमी होते. पण आता नवनवे मराठी प्लॅटफॉर्म्सही येत आहेत, याचा आनंद आहे. त्यामुळे भविष्यात जास्तीत जास्त मराठी वेब सीरिज बघायला मिळतील, अशी आशा आहे. ० बऱ्याचदा वेब सीरिजमध्ये अश्लील भाषा आणि भडक दृश्यांचा वापर केला जातो, यावर तुझं मत काय?- कोणतीही दृश्य परिणामांसाठी दाखवली जातात. अशी दृश्यं जर संहितेची गरज असतील तर दाखवायला हरकत नाही. अर्थातच त्या गोष्टींचा अतिवापर करणं टाळायला हवं. ० तुला बोल्ड दृश्याबाबत विचारणा झाल्यास तुझा निर्णय काय असेल?- इतर भावना साकारत असतोच. तसंच हासुद्धा भावनांचा एक प्रकार आहे. संहितेत बोल्ड दृश्याची गरज असेल तर माझी काहीच हरकत नसेल.
from Marathi Bollywood News, Marathi Cinema News https://ift.tt/3y6da2I
