मुंबई- सार्वजनिक ठिकाणं, पुरस्कार सोहळे, कौटुंबिक फोटो याशिवायही सेलिब्रिटी अनेकदा त्यांच्या बॉडी ट्रान्सफॉर्मेशनमुळे चाहत्यांमध्ये चर्चेत असतात. बॉलिवूड सुपरस्टार सलमान खान ची मानलेली बहीण तिच्या नवीन लुकमुळे चर्चेत आहे. अभिनेता पुलकित सम्राटची एक्स वाइफ श्वेताने ४० किलो वजन कमी केले आहे. तिची फिगर पाहून बऱ्याच लोकांना ईर्ष्या तर होऊच शकते शिवाय तिने आपली हेअर स्टाईलही बदलली आहे. तिच्या लेटेस्ट व्हिडिओमध्ये श्वेता पिक्सी कटसह प्लॅटिनम हेअर कलरमध्ये दिसत आहे. सुमारे ५ वर्षांत तिने आपले वजन कमी केले आहे. २०१६ मध्ये ती ८२ किलो वजनाची होती. आता तिचं वजन ४२ किलो आहे. आपल्याला सर्व काही पटकन हवंय वजन कमी करण्याच्या प्रवासाबद्दल बोलताना श्वेताने ई-टाइम्सला दिलेल्या मुलाखतीत म्हटलं की, 'मी एक पक्क केलं होतं की मला कोणाचाही डाएट प्लॅन कॉपी करायचा नाही. आपल्या लोकांची अशी मानसिकता आहे की आपल्याला सर्वकाही पटकन हवे आहे आणि त्यासाठी गुगल करायला आपण सुरुवात करतो. किनिताने मला माझ्या शरीराला अनुकूल असलेल्या आहाराबद्दल सांगितले. आपल्याला हे समजले पाहिजे की जे डाएट एखाद्या व्यक्तीवर सकारात्मक बदल घडवतात तेच डाएट दुसऱ्या व्यक्तीत ते बदल घडवेल असं होतंच असं नाही. कारण प्रत्येकजण वेगळा आहे.' अर्जुन रामपालच्या हेअर स्टाइलने दिली प्रेरणा तिच्या नवीन हेअर स्टाईलबद्दल बोलताना श्वेता म्हणाली की ती अभिनेता अर्जुन रामपालच्या नवीन लुकने प्रेरित झाली. ४० किलो वजन कमी करणं थोडं जास्त झालं नाही का असा प्रश्न विचारला असता ती म्हणाली की, 'माझ्या उंचीनुसार हे वजन योग्य आहे. खरं सांगायचं तर, मी याबद्दल जास्त विचार करत नाही. मी ८२ किलो असतानाही आनंदी होते. मी आताही आनंदी आहे. पण हे खरंय की मी माझा हा नवीन नवीन अवतार एन्जॉय करतेय.'
from Marathi Bollywood News, Marathi Cinema News https://ift.tt/2XtBFtV
