मुंबई: बॉलिवूडमध्ये दोन अभिनेत्यांच्या हिट जोड्यांपैकी एक जोडी म्हणजे अभिनेता आणि यांची जोडी. या जोडीनं डझनभर चित्रपटांत एकत्र काम केलं. यातील 'मोहरा', 'हेरा फेरी'. 'फिर हेरा फेरी', 'धडकन', 'दीवाने हुए पागल', 'सपूत' असे अनेक चित्रपट प्रेक्षकांनी डोक्यावरही घेतले. असं असलं तरी एक काळ असा होता की, सुनिल शेट्टीनं अक्षयचं आयुष्यात तोंडही पाहणार नाही, अशी शपथ घेतली होती. सुनिल शेट्टी आणि अक्षय कुमार यांनी एकत्र सिनेकरिअरची सुरुवात केली होती. दोघंही बॉलिवूडमध्ये अॅक्शन हिरो म्हणून ओळखले जात होते. याच दरम्यान दोघांची मैत्री झाली. दोघं एकमेकांचे चांगले सहकलाकारंच नव्हते तर चांगले मित्रही होते. १९९४मध्ये आलेला 'मोहरा' चित्रपट जबरदस्त गाजला . यात सुनिल शेट्टी पोलिस अधिकाऱ्याच्या भूमिकेत होता. यानंतर दोघांनी अनेक चित्रपट एकत्र केले. २०००मध्ये सुनिल शेट्टी आणि अक्षय कुमार पुन्हा एकत्र आले ते '' या चित्रपटासाठी. या चित्रपटात त्यांच्यासोबत अभिनेते परेश रावल देखील मुख्य भूमिकेत होते. पण या चित्रपटाच्या शूटिंग दरम्यान सुनिल आणि अक्षय यांच्या मैत्रीत फूट पडली होती. कारणंही तसंच होतं. अक्षय कुमारनं परस्पर सुनिल शेट्टीचे सीन चित्रपटातून काढून टाकण्यास सांगितले होते. सुनिल शेट्टीला हे समजल्यानंतर त्यानं अक्षयचं तोंड पुन्हा पाहाणार नाही, अशी शपथचं घेतली होती. यानंतर एका मुलाखतीत सुनिल शेट्टीनं अक्षयला एक वाईट सहकलाकार असंही म्हटलं होतं. ही गोष्ट अक्षयला समजली तेव्हा, त्यानं यावर स्पष्टीकरणही दिलं होतं. मी सुनिलचे कोणतेही सीन काढून टाकण्यास सांगितलं नव्हतं. असंही अक्षय म्हणाला. यानंतर दोघांनी वाद विसरून पुन्हा एकत्र काम केलं.
from Marathi Bollywood News, Marathi Cinema News https://ift.tt/3yCBGJC
