मुंबई: बॉलिवूड अभिनेत्री शिल्पा शेट्टीचा पती आणि बिझनेसमन याच्यावर न्यूड ऑडिशनची मागणी केल्याचा आरोप करणारी मॉडेल आणि हिने आता ULLU अॅपचे मालक यांच्याबद्दल अनेक धक्कादायक खुलासे केले आहेत. नुकत्याच दिलेल्या एका मुलाखतीत सागरिकानं सांगितलं की, ULLU अॅपच्या एका निर्मात्याला ती एकदा भेटली होती आणि याबाबत तिचा अनुभव खूपच वाईट होता. एवढंच नाही तर या अॅपच्या निर्मात्यांनी आपल्याकडे न्यूड क्लिपची मागणी केली होती असंही तिनं या मुलाखतीत म्हटलं आहे. इ-टाइम्सला दिलेल्या मुलाखतीत सागरिका म्हणाली, 'जानेवारी २०२० मध्ये पनवेलमधील एका स्टुडिओमधील ही घटना आहे. हर्ष नावाचे एक निर्माता आहेत. ज्यांनी ULLU सोबत काम केलं आहे. त्यांनी माझ्याशी संपर्क साधत त्यांच्यासोबत काम करण्यासाठी विचारलं होतं. त्यावेळी मला फक्त काही बोल्ड सीन असतील आणि मला फक्त क्वीवेज दाखवावे लागतील असं सांगण्यात आलं होतं. पण पूर्ण चित्रपटाची कथा ऐकवण्यात आली नव्हती.' सागरिका पुढे म्हणाली, 'शूटिंग पनवेलमध्ये होणार होतं आणि मी मला दिलेल्या वेळेच्या अगोदरच त्या ठिकाणी पोहोचले. मी पाहिलं त्या ठिकाणी दोन मुली एक समलैंगिक सीन शूट करत होत्या. दोघीही पूर्णपणे नशेत असल्याचं दिसत होतं. हे शूटिंग पाहिल्यावर मी घाबरले आणि तिथून पळून गेले. नंतर मी हर्ष नावाच्या व्यक्तीला कॉल केला. ज्याने कामासाठी माझ्याशी संपर्क केला होता. त्याला मी स्पष्ट शब्दात सांगितलं की असं काम मी करू शकत नाही. तुम्ही माझ्याशी खोटं बोलला आहात आणि तुम्ही न्यूड, पॉर्न कंटेन्टचं शूटिंग करत आहात. मी अशाप्रकारचे सीन करू शकत नाही.' याशिवाय सागरिकानं ULLU अॅपचे मालक विभु अग्रवाल यांच्यावरही अनेक गंभीर आरोप केले आहे. विभु अग्रवाल मुलींचं लैंगिक शोषण करतात असं सागरिकाचं म्हणणं आहे. तसेच मुलींचे न्यूड व्हिडिओ शूट करून तिला मानसिक त्रास देण्यात येत असल्याचं सागरिका सांगते. मॉडेल आणि अभिनेत्री सागरिकाच्या खुलाश्यांनंतर ULLU अॅपच्या प्रवक्त्यांनीही इ-टाइम्सला प्रतिक्रिया दिली आहे. या प्रकरणाबद्दल बोलताना ULLU अॅपचे प्रवक्ते म्हणाले, 'आमच्या अॅपच्या नावाचा वापर करून अनेकजण अशाप्रकारे संघर्ष करत असलेल्या कलाकारांशी ऑडिशनसाठी संपर्क करतात. एवढंच नाही तर आमच्या नावासोबतच आमच्या ई-मेलचाही वापर केला. आम्ही याबाबतच सर्वांना जाकरूक करत आहोत. या मॉडेलनं जे खुलासे केले आहेत ते पूर्णपणे निराधार आहेत. आम्ही शो विकत घेतो किंवा नफा तत्त्वावर भागीदारी करतो पण कधीच कोणत्याही कलाकाराशी थेट संपर्क करत नाही.'
from Marathi Bollywood News, Marathi Cinema News https://ift.tt/3fTmlgy
