मुंबई : भारताच्या करोनाविरुद्धच्या युद्धामध्ये बॉलिवूडमधील प्रसिद्ध अभिनेत्री आणि तिचा नवरा ने आर्थिक मदत करत असल्याची घोषणा केली होती. या दोघांनी मिळून ३० लाख डॉलर्स गोळा केले असल्याची माहिती त्यांनी इन्स्टाग्रामवर व्हिडिओ शेअर करून दिली. भारतामध्ये करोनाची दुसरी लाट आली होती तेव्हा या दोघांनी आवाहन करून ही रक्कम गोळा केली. या रकमेचा विनियोग, करोनामुळे ज्या लोकांच्या जीवनावर विपरीत परिणाम झाला आहे, त्यांच्यासाठी केला जाणार आहे. भारतामध्ये करोनाचा फैलाव वाढत असताना प्रियांकाने एप्रिलमध्ये आर्थिक मदत गोळा करायला सुरुवात केली होती. प्रियांका आणि निकने त्यांच्या चाहत्यांकडून आणि सोशल मीडियावरील युझर्सकडून भारतासाठी मदत करण्याचे आवाहन केले होते. त्यानंतर ही रक्कम जमा झाली. प्रियांकाने भारतासाठी मदत करणाऱ्या सर्व देणगीदारांचे आभार मानले आहेत. त्यांनी सांगितले की, जवळपास १५ हजारजणांनी आर्थिक मदत केली. या व्हिडिओमध्ये निक म्हणाला, 'भारताच्या मदतीसाठी सर्व लोकांनी समर्थन आणि भरभरून प्रेम दिले आहे. अनेक अनोळखी लोकांनी मदत केली आहे. त्याबद्दल मनापासून आभार..' प्रियांका सध्या लंडनमध्ये आहे. तिथे ती 'सिटडेल' सिनेमाचे चित्रीकरण करत आहे. याचे दिग्दर्शन रुसो ब्रदर्स करत आहेत. हा सिनेमा एक स्पाय-थ्रिलर आहे. त्यामध्ये प्रियांका आणि 'गेम ऑफ थ्रोन्स' मधील अभिनेता रिचर्ड मॅडेन दिसणार आहेत. तसेच प्रियांका 'टेक्स्ट फॉर यू' या सिनेमात काम करणार आहे. त्यामध्ये ती सेलीन डायोन आणि सॅम ह्यूगनसोबत दिसणार आहेत. त्याशिवाय ती मॅट्रिक्स ४ या ही सिनेमात दिसणार आहे. लवकरच प्रियांका 'जी ले जरा' या फरहान अख्तर दिग्दर्शित करत असलेल्या हिंदी सिनेमातही दिसणार आहे.
from Marathi Bollywood News, Marathi Cinema News https://ift.tt/3sltTNT
