मुंबई- भारताच्या स्वातंत्र्यदिनाच्या मुहूर्तावर प्रदर्शित झालेल्या '' चित्रपटाची प्रेक्षकांमध्ये प्रचंड चर्चा आहे. चित्रपटात अभिनेता याने कारगिल युद्धात शहीद झालेल्या कॅप्टन विक्रम बत्रा यांची भूमिका साकारली आहे. तर अभिनेत्री कियारा आडवाणी हिने विक्रम यांची प्रेमिका डिंपल चिमा ची भूमिका साकारली आहे. हा चित्रपट कारगिल युद्धात अफाट शौर्य दाखवून भारताला विजय मिळवून देणाऱ्या शहीद विक्रम यांच्या आयुष्यावर आधारित आहे. सध्या चित्रपटातील तो किस्सा प्रेक्षकांमध्ये चर्चेत आहे जेव्हा पाकिस्तानी सैन्याकडून लोकप्रिय भारतीय अभिनेत्री हिची मागणी करण्यात आली होती. कारगिल युद्धात विक्रम यांनी आपल्या प्राणाची बाजी लावली. चित्रपटातील तो सीन प्रेक्षकांमध्ये चर्चेत आहे जिथे कॅप्टन त्यांच्या सैन्यासोबत पॉइण्ट ४८७५ साठी युद्ध करत होते. या सीनमध्ये पाकिस्तानी जनतेमधील माधुरीचं वेड स्पष्ट दिसून येतं. कॅप्टन यांनी देखील पाकिस्तानी सैन्याच्या मागणीला सडेतोड उत्तर दिलं होतं. कारगिलमध्ये सुरू असलेल्या गोळीबारामध्ये एक पाकिस्तानी सैनिक विक्रम यांच्याकडे विचीत्र मागणी करतो. सैनिक विक्रम यांना म्हणतो, 'अरे माधुरी दीक्षित आम्हाला देऊन टाका, अल्लाहची शपथ आम्ही इथून निघून जाऊ.' त्यावर विक्रमदेखील पाकिस्तानी सैनिकाला उत्तर देताना म्हणतात, 'माधुरी दीक्षित सध्या दुसऱ्या शूटिंगमध्ये व्यग्र आहे, सध्यातरी यांच्यावरच काम चालवा.' यानंतर विक्रम पाकिस्तानी सैन्यावर तुटून पडले होते. असंही म्हटलं जातं की, ज्या सैनिकाने माधुरीची मागणी केली होती त्या सैनिकाला विक्रम यांनी स्वतःच्या हाताने गोळी मारली होती. गोळी मारताना विक्रम सैनिकाला म्हणाले होते, 'घे माधुरी दीक्षितकडून भेट.' या गोष्टीचा खुलासा विक्रम यांचे भाऊ विशाल यांनी केला होता. चित्रपटातील हा सीन प्रेक्षकांना प्रचंड पसंत पडला आहे. 'शेरशाह' ओटीटी प्लॅटफॉर्मवर प्रदर्शित करण्यात आला आहे. स्वातंत्र्यदिनाच्या मुहूर्तावर प्रदर्शित झालेल्या या चित्रपटाला प्रेक्षकांकडून प्रचंड प्रतिसाद मिळत आहे. असंही म्हटलं जातं की, 'विक्रम यांचे कुटुंबीय चित्रपटातील मुख्य भूमिकेत सिद्धार्थलाच पाहू इच्छित होते कारण सिद्धार्थ आणि विक्रम यांच्या चेहऱ्यामध्ये बरंच साम्य आहे.
from Marathi Bollywood News, Marathi Cinema News https://ift.tt/3g4ZY85
