रियलमीचा २३ ऑगस्टला भारतात नवा फोन येतोय, पाहा फोनची फीचर्स

नवी दिल्ली : स्मार्टफोन निर्माता कंपनी Realme India आपला नवीन स्मार्टफोन भारतात लाँच करण्याच्या तयारीत असून कंपनीने आपल्या अधिकृत वेबसाइटवर याची पुष्टी केली आहे की हा फोन Realme.com वर २३ ऑगस्ट रोजी लाँच करण्यात येईल .Realme C21Y गेल्या महिन्यात व्हिएतनाम मध्ये लाँच करण्यात आला होता . फोनच्या मागील बाजूस ट्रिपल कॅमेरा सेटअप आहे ज्यामध्ये मुख्य कॅमेरा १३ मेगापिक्सेलचा आहे. यासोबत यात ५ मेगापिक्सलचा सेल्फी कॅमेरा देण्यात आला आहे. हा स्मार्टफोन Unisoc T610 SoC द्वारा समर्थित असून यात ५००० mAh ची बॅटरी आहे. तसेच , फिंगरप्रिंट स्कॅनर देखील आहे. वाचा: कंपनीने एका प्रेस रिलीझद्वारे हा फोनच्या लॉंचिंग बद्धल कन्फर्म केले असून Realme.com वर एक मायक्रोसाइट देखील तयार केली आहे. या पेजवरून याची पुष्टी केली गेली आहे की फोन क्रॉस ब्लू आणि क्रॉस ब्लॅक रंगाच्या पर्यायांमध्ये लाँच केला जाईल आणि त्याची किंमत व्हिएतनाम मॉडेल सारखीच असेल. व्हिएतनाममध्ये Realme C21Y च्या किंमतीबद्दल बोलायचे तर, ३GB + ३२GB मॉडेलची किंमत VND ३,२४०,००० (अंदाजे १०,५०० रुपये) आहे. तर, ४GB + ६४GB मॉडेलची किंमत VND ३, ७१०,००० (अंदाजे १२,००० रुपये) आहे. Realme C21Y ची वैशिष्ट्ये Realme C21Y Android 10 वर आधारित Realme UI वर चालतो. यात ६.५ इंच HD + (७२० × १६०० पिक्सेल) डिस्प्ले आहे. स्मार्टफोन माली-जी ५२ जीपीयूसह जोडलेल्या ऑक्टा-कोर युनिसोक टी ६१० एसओसीद्वारे समर्थित असून ४GB रॅम आणि ६४ GB स्टोरेज आहे जे मायक्रोएसडी कार्डद्वारे वाढवता येते. या स्मार्टफोनमध्ये ट्रिपल रिअर कॅमेरा आहे, ज्यामध्ये पहिला १३ मेगापिक्सलचा प्राथमिक सेन्सर, २ मेगापिक्सलचा काळा-पांढरा सेन्सर आणि २ मेगापिक्सेलचा मॅक्रो शूटर कॅमेरा आहे. समोर, ५ मेगापिक्सलचा सेल्फी शूटर आहे. फोनला पॉवर देण्यासाठी यात ५००० mAh ची बॅटरी देण्यात आली आहे. जी रिव्हर्स वायर्ड चार्जिंगला सपोर्ट करते. याशिवाय, कनेक्टिव्हिटीसाठी, यात एलटीई, वाय-फाय, ब्लूटूथ व्ही ५, जीपीएस, ३.५ मिमी हेडफोन जॅक आणि चार्जिंगसाठी मायक्रो-यूएसबी टाइप सी पोर्ट मिळतो. याशिवाय, Realme C21Y च्या मागील बाजूस फिंगरप्रिंट स्कॅनर देखील देण्यात आला आहे. वाचा: वाचा: वाचा:

from Gadget News in Marathi: Computer, Mobile, Auto News in Marathi | Maharashtra Times https://ift.tt/3AY4gWH