मुंबई: अभिनेत्री आणि क्रिकेटर काही दिवसांपूर्वीच दुसऱ्यांदा आई-बाबा झाले. गीता बसरानं मुलाला जन्म दिला. मुलाच्या जन्मानंतर क्रिकेटर हरभजन सिंगनं ट्विटरवरून याची माहिती दिली होती. पण नुकत्याच दिलेल्या एका मुलाखतीत मात्र या प्रेग्नन्सीच्या आधीची परिस्थिती सांगितली. मुलाच्या जन्मानंतर गीतानं त्याआधी दोन वेळा झालेल्या गर्भापाताचा अनुभव शेअर केला आहे. 'टाइम्स ऑफ इंडिया'शी बोलताना गीती बसरानं सांगितलं की, तिचा पहिला गर्भपात हा २०१९ साली तर दुसरा गर्भपात २०२० साली झाला होता. दोन्ही वेळा गीताचा गर्भपात हा पहिल्या ट्रायमेस्टरमध्ये झाला होता. पण या कठीण काळात हरभजन नेहमीच तिच्यासोबत होता. 'जेव्हा गर्भपात पहिल्या ट्रायमेस्टरमध्ये होतो तेव्हा इतर कोणत्याही व्यक्तीपेक्षा बाळाच्या आईला जास्त दुःख होतं.' असं गीतानं या मुलाखतीत सांगितलं. गीता म्हणाली, 'आज मला या विषयावर बोलायचं आहे. ज्या महिला गर्भपातानंतर पुन्हा आई होण्याची अपेक्षाच सोडून देतात त्यांना सांगायचंय. त्यांनी हार मानायला नको आणि आपलं दुःखही कोणापासून लपवून ठेवायला नको. हो गर्भपाताचा सर्वाधिक परिणाम हा आईवरच होतो आणि त्या दुःखातून बाहेर पडायलाही आपल्याला बराच वेळ लागतो. माझ्या बऱ्याच मैत्रिणी या परिस्थितीतून गेल्या आहेत. पण हे सर्व मागे सोडून आपण पुढे गेलं पाहिजे.' गीता बसरा पुढे म्हणाली, मागील दोन वर्षाचा काळ माझ्यासाठी खूप कठीण होता अनेकदा गर्भापातानंतर महिलांचे हार्मोन्स असंतुलित होतात. ज्यामुळे त्यांना कठीण परिस्थितीचा सामना करावा लागतो.' सलग दुसऱ्यांदा गर्भपात झाल्यानंतर गीता बसरा पंजाबमधील तिच्या सासरी राहायला लागली होती. जिथे हरभजन तिची काळजी घेत होता. याबाबत बोलताना गीता म्हणाली, 'प्रत्येक मुलीला अशावेळी तिच्या आसपास सपोर्ट सिस्टिमची गरज असते.लग्नाच्या वेळी मी विचार केला होता की, मला दोन मुलं हवी आहेत. भाऊ-बहीण यांचं नातं घट्ट व्हायला हवं आणि पहिल्या मुलाला नेहमीच कंपनी हवी असते. माझी मुलगी हिनाया पाच वर्षांची आहे. सर्वकाही ठीक असतं तर माझ्या दुसऱ्या बाळाच्या जन्मावेळी हिनाया ३ वर्षांची असली असती.'
from Marathi Bollywood News, Marathi Cinema News https://ift.tt/3C7rQSd
