मुंबई: भारत आणि इंग्लंड यांच्यातील दुसऱ्या कसोटीला ऐतिहासिक असा लॉर्ड्स मैदानावर सुरुवात झाली आहे. मालिकेतील पहिला कसोटी सामना पावसामुळे ड्रॉ झाला होता. भारताचा सलामीवीर लोकेश राहुलनं दुसऱ्या कसोटी सामन्यात शतक झळकावलं. लॉर्ड्सवरचे त्याचे हे पहिले शतक ठरले आहे. त्याचबरोबर राहुलने या शतकासह रवी शास्त्री यांचा विक्रमही मोडीत काढला आहे. राहुलनं शतक ठोकल्यानंतर त्याच्यावर शुभेच्छांचा वर्षाव होत आहे. पण एका खास व्यक्तीच्या शुभेच्छांची सोशल मीडियावर विशेष चर्चा सुरू आहे. अभिनेता सुनिल शेट्टीनं राहुलचं कौतुक केलं आहे. त्यानं दिलेल्या हटके शुभेच्छा सोशल मीडियावर चर्चेचा विषय ठरत आहेत. 'क्रिकेटच्या मक्केत शतक! मस्त खेळलास बाबा...आणि माझ्या वाढदिवसाला इतकी खास भेट दिली त्याबद्दल धन्यवाद!', असं सुनिल शेट्टीनं त्याच्या सोशल मीडिया पोस्टमध्ये म्हटलं आहे. सुनिल शेट्टीच्या या शुभेच्छांची चर्चा होण्याचं कारण म्हणजे त्याची लेक आथिया आणि यांच्या अफेअरच्या चर्चा जोरात सुरू आहेत. आणि सध्या एकत्र इंग्लंडमध्ये एकत्र आहेत. त्यांचे अनेक फोटोही व्हायरल झाले आहे. त्यामुळं सुनिल शेट्टीनं राहुलसाठी शेअर केलेली पोस्ट चर्चेत आली नसती तरंच नवल. या पोस्टवर नेटकऱ्यांनी विविध प्रकारच्या शुभेच्छा दिल्या आहे. मुलगा पसंत आहे म्हणायचं का तुम्हाला? असं एकानं लिहिलं आहे. तर एकानं काय मग सासरेबुवा तुम्ही याचीच वाट पाहत होता वाटतं...? असं विचारलं आहे. सोयरिक पक्की झाली समजायचं का? असा प्रश्नही एकानं विचारला आहे.
from Marathi Bollywood News, Marathi Cinema News https://ift.tt/3AIKLRZ
