मुंबई: बॉलिवूड अभिनेता अक्षय कुमारचा बहुचर्चित चित्रपट 'बेल बॉटम'ची चर्चा मागच्या बऱ्याच काळापासून सोशल मीडियावर होताना दिसत आहे. नुकताच या चित्रपटाचा ट्रेलर रिलीज झाला. ज्याची चर्चा सोशल मीडियावर जोरदार सुरू आहे. पण यासोबतच या चित्रपटातील आणखी एक गोष्ट चर्चेत आहे ती म्हणजे या चित्रपटात माजी पंतप्रधान यांची भूमिका साकारणारी अभिनेत्री. या चित्रपतील अभिनेत्रीचा लुक एवढा परफेक्ट आहे की तिला ओळखणंही कठीण झालं आहे. अक्षय कुमारचा 'बेल बॉटम' चित्रपट येत्या १९ ऑगस्टला रिलीज होणार आहे. या चित्रपटात इंदिरा गांधी यांची भूमिका अभिनेत्री लारा दत्तानं साकारली आहे. लाराची या चित्रपटात महत्त्वपूर्ण भूमिका आहे. लारा या भूमिकेसाठी खूप खूश असून ही आयुष्यातली सर्वात चांगली संधी होती असं तिचं म्हणणं आहे. 'देशाच्या माजी पंतप्रधान इंदिरा गांधी यांची भूमिका साकारणं माझ्यासाठी खूप आव्हानात्मक होतं तसेच मोठी जबाबदारी होती.' असं लाराचं म्हणणं आहे. चित्रपटाच्या ट्रेलर लॉन्चवेळी म्हणाली, 'इंदिरा गांधींसारखी आयकॉनिक भूमिका मोठ्या पडद्यावर साकारणं सर्वात मोठी जबाबदारी होती. त्यांची बॉडी लँग्वेज स्वतःमध्ये जशीच्या तशी स्वतःमध्ये इतरवणं बरंच आव्हानात्मक होतं पण ते तेवढंच गरजेचंही होतं.' या चित्रपटाची १९८४ साली घडलेल्या एका घटनेवर आधारित आहे. याचवर्षी ऑपरेशन ब्लू स्टारच्या मुद्द्यावरून इंदिरा गांधी यांची हत्या झाली होती. चित्रपटात इंदिरा गांधीच्या काळातील एका विमानाच्या हायजॅकची कथा आहे. ज्यात एका अंडर कव्हर रॉ एजंटच्या भूमिकेत दिसणार आहे. चित्रपटाच्या ट्रेलरमध्ये लारा दत्ताच्या दमदार अंदाजानं सर्वांचं लक्ष वेधून घेतलं आहे.
from Marathi Bollywood News, Marathi Cinema News https://ift.tt/3xlyVLu
