मुंबई : एखाद्या विषयावर वादग्रस्त ट्वीट करते आणि त्यावरून ती वादात अडकते असे अनेकदा झाले आहे. त्यामुळे वाद आणि स्वरा हे एक समीकरण झाले आहे. आता पुन्हा एकदा स्वरा भास्कर वादाच्या भोवऱ्यात अडकली आहे. स्वराने हिंदुत्ववादावर एक ट्वीट केले. त्यामध्ये तिने दहशतवाद्यांची तुलना हिंदुत्ववाद्यांशी केली आहे. स्वराने केलेल्या या ट्वीटमुळे तिला खूप ट्रोल केले जात आहे. इतकेच नाही तर तिला अटक करण्याची मागणीही होऊ लागली आहे. #ArrestSwaraBhasker हा ट्रेंड सोशल मीडियावर सुरू झाला आहे. काय लिहिले स्वरा भास्करने स्वरा भास्करने तिच्या ट्वीटमध्ये लिहिले की, 'आपण तालिबानी दहशतवादाविरोधात आवज उठवत आहोत, त्यावर तीव्र नाराजी व्यक्त करत आहोत. परंतु दहशतवादावर आपण जाहीरपणे काहीच भाष्य करत नाही. आपण हिंदुत्ववादी दहशतवादावरही आक्षेप नोंदवायला हवा.' सोशल मीडियावर सुरू झाला वाद स्वरा भास्करने अशा आशयाचे ट्वीट केल्यानंतर सोशल मीडियावर तिच्यावर कडाडून टीका होऊ लागली आहे. अनेक युझर्सनी तिला ट्रोल करत तिच्यावरील संताप व्यक्त केला आहे. हिंदू धर्माच्या भावना दुखावल्या आणखी एका युझरने म्हटले आहे की, स्वराने असे ट्वीट करून हिंदू लोकांच्या भावना दुखावल्या आहेत. त्यामुळे तिला शिक्षा झालीच पाहिजे. असे ट्वीट करत त्याने #ArrestSwaraBhasker असा हॅशटॅग दिला आहे. उत्तरप्रदेश पोलिसांकडे तक्रार आणखी एका युझरने त्याच्या ट्वीटमध्ये उत्तरप्रदेश पोलिसांना टॅग केले आहे. त्याने लिहिले आहे, 'युपी पोलिस कृपा करून स्वरा भास्कर विरोधात कठोर कारवाई करावी. त्या आपल्या हिंदू धर्माविरोधात अपशब्द वापरत आहेत.' तिला अफगणिस्तानमध्ये पाठवून द्या सोशल मीडियावरील आणखी एका युझरने लिहिले की, 'स्वरा भास्करने हिंदुत्ववादी दहशतवादाचा अनुभव घेतला आहे. आता सरकारने त्यांना सहा महिने तालिबानी दहशतवादाचा अनुभव घेण्यासाठी अफगणिस्तानला जरूर पाठवावे. तेव्हा त्या नीट तुलना करू शकतील.'
from Marathi Bollywood News, Marathi Cinema News https://ift.tt/3k42OLx
