नवी दिल्ली: Realme C21Y स्मार्टफोन आज भारतीय बाजारात आज एन्ट्री करणार आहे. डिव्हाइस व्हिएतनाममध्ये गेल्या महिन्यातच लाँच करण्यात आले असून फोन ई-कॉमर्स वेबसाइट फ्लिपकार्टवर लिस्ट आहे. जिथून फोनच्या अनेक वैशिष्ट्यांची माहिती देखील समोर आली आहे. लिस्टिंग नुसार, Realme C21Y मध्ये ट्रिपल रियर कॅमेरा सेटअप, ५००० mAh बॅटरी आणि ६.५ इंचाचा मोठा डिस्प्ले असेल. फोन आज दुपारी १२.३० वाजता लाँच होईल. वाचा: Realme C21Y ची अपेक्षित किंमत: Realme C21Y च्या व्हिएतनामी मॉडेलबद्दल बोलायचे तर, त्याच्या ३ जीबी रॅम आणि ३२ जीबी स्टोरेज व्हेरिएंटची किंमत व्हीडीएन ३,२४०,००० म्हणजे सुमारे १०,५०० रुपये आहे. त्याच वेळी, त्याच्या ४ जीबी रॅम आणि ६४ जीबी स्टोरेज व्हेरिएंटची किंमत व्हीडीएन ३,७१०,००० म्हणजे सुमारे १२,००० रुपये आहे. फोन क्रॉस ब्लू आणि क्रॉस ब्लॅक रंगांमध्ये उपलब्ध करून देण्यात येईल असेल टिझरवरून समजते. Realme C21Y ची वैशिष्ट्ये: हा फोन ड्युअल सिमवर काम करतो. हे Android १० वर आधारित आहे. यात ७२०x१६०० पिक्सेल रिझोल्यूशनसह ६.५ इंच HD+ डिस्प्ले आहे. हा फोन ऑक्टा-कोर युनिसोक टी ६१० प्रोसेसर आणि ४ जीबी रॅमने सुसज्ज असून यात ६४ जीबी स्टोरेज आहे. तसेच Mali-G52 GPU देण्यात आले आहे. फोटोग्राफीसाठी, Realme C21Y मध्ये ट्रिपल रिअर कॅमेरा सेटअप आहे. ज्याचे प्राथमिक सेन्सर १३ मेगापिक्सेल, दुसरे २ मेगापिक्सेल काळे आणि पांढरे सेन्सर आहे. तिसरे २ मेगापिक्सल मॅक्रो सेन्सर आहे. तर, सेल्फीसाठी फोनमध्ये ५ मेगापिक्सलचा सेन्सर आहे. फोनला पॉवर देण्यासाठी ५००० mAh ची बॅटरी देण्यात आली आहे जी रिव्हर्स वायर्ड चार्जिंगला सपोर्ट करते. फोनमध्ये फिंगरप्रिंट सेन्सर देण्यात आला असून कनेक्टिव्हिटीसाठी फोनमध्ये एलटीई, वाय-फाय, ब्लूटूथ व्ही ५ जीपीएस, ३.५ एमएम हेडफोन जॅक आणि चार्जिंगसाठी मायक्रो-यूएसबी पोर्ट सारखे फीचर्स देण्यात आले आहेत. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3yahOfK
