मुंबई : अभिनेता अनिल कपूरची धाकटी मुलगी आणि करण बुलानी यांचे शनिवारी लग्न झाले. या लग्न सोहळ्याला नातेवाईक आणि जवळचे मित्रमंडळींनाच निमंत्रण होते. परंतु सोमवारी या दोघांच्या लग्नाची रिसेप्शन पार्टी यांनी त्यांच्या जुहू येथील घरी ठेवली होती. या रिसेप्शन पार्टीला अर्जुन कपूर, सोनम कपूर, आनंद अहुजा, अंशुला कपूर, बोनी कपूर, जान्हवी कपूर आणि खुशी कपूरसह संपूर्ण कपूर कुटुंब सहभागी झाले होते. याशिवाय या पार्टीमध्ये सिनेसृष्टीतील अनेक नामवंत मंडळी सहभागी झाले होते. फराह खानने शेअर केला व्हिडिओ दिग्दर्शिका कपूर कुटुंबाच्या खूपच जवळ आहे. त्यामुळे फराह देखील या पार्टीत सहभागी झाली होती. यावेळी तिने पार्टीमधील काही फोटो तिच्या इन्स्टाग्राम अकाउंटवरून शेअर केले आहेत. हे फोटो आणि व्हिडिओ शेअर करताना फराहने लिहिले की, 'बाप- लेकीचा हा अनोखा डान्स आहे. इतकी छान पार्टी ठेवल्याबद्दल तुमचे खूप खूप आभार..' बाप- लेकीची अनोखी केमेस्ट्री या व्हिडिओमध्ये रिया कपूर आणि अनिल कपूर यांच्यातील केमेस्ट्री दिसत आहे. अनिल यांच्या चेहऱ्यावर आनंद दिसत आहे. तर रिया देखील आपल्या वडिलांसोबतचा डान्स एन्जॉय करत आहे. हे दोघेजण सोनम कूपरच्या 'अभी तो पार्टी शुरू हुई है' या गाण्यावर डान्स करत आहेत. या व्हिडिओशिवाय रिया आणि करणच्या लग्नाचे फोटोही सोशल मीडियावर व्हायरल होत आहेत. रिया करणने १४ ऑगस्टला झाले लग्न अनिल कपूरची धाकटी मुलगी रियाने तिचा बॉयफ्रेंड करण बुलानीसोबत १४ ऑगस्ट रोजी लग्न केले. मुलीच्या लग्नाच्या दिवशी अनिल कपूर खूपच आनंदीत होते. या लग्न सोहळ्याला कपूर कुटुंबातील सदस्य आणि काही जवळचे मित्रमंडळी उपस्थित होते. रियाचे लग्न झाल्यानंतर अनिल यांनी घराबाहेर उभ्या असलेल्या छायाचित्रकारांना मिठाई वाटत आनंद साजरा केला होता. रियाने देखील शेअर केले फोटो रियाने देखील लग्नातील एक फोटो सोशल मीडियावर शेअर करत सुंदर पोस्ट लिहिली. या पोस्टमध्ये रियाने तिच्या आणि करणच्या नात्याबद्दल सुंदर भाष्य केले आहे. 'तुझ्यासोबत १२ वर्ष आहे. तुझ्यासोबत असताना मी कधीच नर्व्हस झाले नाही ना कधी दुःखी झाले. कारण तू माझा खूप चांगला मित्र आहे आणि आता यानंतरही तसाच राहशील. परंतु आज मला रडू येतंय आणि मनात एक वेगळीच भावना आहे. त्यामुळेच की काय पोटात खड्डा पडल्यासारखे वाटते आहे. पण त्याबरोबरच आयुष्यात तुझ्यासोबत सुरू होणाऱ्या नवीन पर्वासाठी मी देखील उत्सुक आहे.' 'या अशा संमिश्र भावना याआधी मी कधीच अनुभवल्या नव्हत्या. याआधी मी नेहमीच रात्री ११ च्या आधी आई- बाबा झोपायच्या आधी जुहूतील आमच्या घरी परत यायचे. यानंतरही मी तशीच मुलगी असेन. मला विश्वास आहे की आपण कुटुंबातील सर्व सदस्यांना एकमेकांच्या जवळ आणू आणि सर्वांमधील प्रेमाचे धागे अधिक मजबूत करू.' दरम्यान, रिया आणि करणची भेट आयशा सिनेमाच्या सेटवर झाली होती. रिया या सिनेमाची निर्माती होती तर करण या सिनेमासाठी सहाय्यक दिग्दर्शक म्हणून काम करत होता.
from Marathi Bollywood News, Marathi Cinema News https://ift.tt/3ga7nTi
