मुंबई : छोट्या पडद्यावरील मालिकांबरोबरच तितकाच आवडीने पाहिला जाणारा कार्यक्रम आहे बिग बॉस. हिंदीबरोबरच मराठी बिग बॉस देखील लोकप्रिय झाला आहे. बिग बॉस मराठीच्या तिसऱ्या पर्वाला रविवारपासून सुरुवात झाली आहे. या कार्यक्रमात वेगवेगळ्या क्षेत्रातील व्यक्तिमत्व स्पर्धक म्हणून सहभागी झाले आहेत. या स्पर्धकांमध्ये कोळी गीतांचे बादहशाह अशी ओळख असलेले अर्थात यांचाही समावेश आहे. बिग बॉस मराठीचे तिसरे पर्व यंदा चांगलेच गाजणार आहे, अशी चिन्हे आहेत. कारण या कार्यक्रमात विविध स्वभावाचे स्पर्धक सहभागी झाले आहेत. त्यामुळे कार्यक्रमातून प्रेक्षकांना मनोरंजनचा तडका पाहता येणार आहे. कार्यक्रमात कोळी गीतांचे बादशाह म्हणून ओळख असलेले संतोष चौधरी अर्थात दादूस स्पर्धक म्हणून सहभागी झाले आहेत. दादूस यांना सोन्याची प्रचंड आवड आहे. त्यामुळेच दादूस यांच्या अंगावर कायम अंदाजे दोन किलोचे सोन्याचे दागिने पाहायला मिळतात. त्यांना गोल्डमॅन असे ही म्हटले जाते. दादूस यांनी अनेक आगरी आणि कोळी गीते गायली आहेत. तसेच त्यांच्या सीडी डीवीडी देखील आल्या आहेत.लोकप्रिय गायक म्हणून ओळखल्या जाणारे दादूस यांचा स्वभाव आक्रमक आहेत. त्यामुळे अनेक वादग्रस्त प्रकरणांमुळेही ते चर्चेत आले आहेत. वीज चोरी केल्याप्रकरणी त्यांना अटक झाली होती. आक्रमक स्वभावाच्या दादूस यांना कायम चर्चेत रहायला आवडते. बिग बॉस मराठी ३ या कार्यक्रमात येऊन दादूस यांना चर्चेत राहण्याची चांगलीच संधी मिळाली आहे. आता या संधीचे ते 'सोने' कसे करतात, याकडे त्यांच्या चाहत्यांचे लक्ष लागले आहे.
from Marathi Bollywood News, Marathi Cinema News https://ift.tt/3Cy7QHK
