मुंबई : छोट्या पडद्यावरील बहुचर्चित, लोकप्रिय असलेल्या 'बिग बॉस मराठी'च्या तिस-या पर्वाला रविवारपासून सुरुवात झाली आहे. या कार्यक्रमामध्ये विविध क्षेत्रातील व्यक्तिमत्व स्पर्धक म्हणून सहभागी झाली आहेत. अर्थात काही कलाकार मंडळींचाही यात समावेश आहे, त्यामध्ये याचाही समावेश आहे. अक्षय वाघमारे याचा जन्म १९८८ मध्ये मुंबईत झाला. मुंबईतच त्याने शिक्षण पूर्ण केले. इतकेच नाही तर त्याने मॉडेल कॉलेजमधून कॉम्प्युटर सायन्समध्ये डिग्री घेतली आहे. त्यानंतर त्याने याच विषयामध्ये पुण्यातून मास्टर्सही केले आहे. अक्षय हा त्याच्या फिटनेससाठी ओळखला जातो. अक्षयने मॉडेल म्हणून काम करायला सुरुवात केली. मॉडेलिंगबरोबरच त्याला फिटनेसची देखील आवड आहे. त्यामुळे सोशल मीडियावर सक्रीय असलेला अक्षय त्याच्या फिटनेसेचे व्हिडिओ सातत्याने शेअर करत असतो. मॉडेलिंग, फिटनेस फ्रिक असलेल्या अक्षयला अभिनयासाठी विचारणा झाली. तेव्हा काही तरी वेगळे करायचे या उद्देशाने त्याने अभिनय क्षेत्रात प्रवेश केला आणि इथे तो रमला. २०१९ मध्ये अक्षय वाघमारेला 'हॉटेस्ट मॅन ऑफ द मराठी टीव्ही' हा किताब मिळाला आहे. अक्षयची आणखी एक वेगळी ओळख म्हणजे तो ज्येष्ठ विनोदी अभिनेते दादा कोंडके यांचा नातू आहे. आपल्या आजोबांकडूनच अक्षयला अभिनयाचा वारसा मिळाला आहे, असे म्हटले तर वावगे ठरू नये. अक्षयन वाघमारेने आतापर्यंत फत्तेशिकस्त, बेधडक, दोस्तीगिरी, बस स्टॉप यांसारख्या मराठी सिनेमांत काम केले आहे. त्याशिवाय 'ती फुलराणी' या मालिकेतही तो दिसला होता. याशिवाय अक्षयची आणखी एक वेगळी ओळख म्हणजे तो राजकीय नेते अरुण गवळीचा जावई आहे. अक्षयने अरुण गवळीची मुलगी योगिताशी मे २०२० लग्न केले. हे लग्न गवळीचा बालेकिल्ला असलेल्या दगडी चाळीमध्ये झाले होते. या लग्नाची खूप चर्चाही झाली होती. या लग्नाला फक्त गवळी आणि वाघमारे कुटुंबातील सदस्यच उपस्थित होते. ७ मे २०२१ रोजी अक्षय आणि योगिताला मुलगी झाली.
from Marathi Bollywood News, Marathi Cinema News https://ift.tt/3znzKUR
