मुंबई- बॉलिवूडचा सुपरस्टार अनेक दिवसांपासून एक सुपरहिट देण्याच्या प्रतीक्षेत आहे. त्याच्यासोबतचे बहुसंख्य अभिनेत्यांनी ओटीटीवर आपली सुरूवात केली. , मात्र या प्लॅटफॉर्मवर अभिनेता म्हणून त्याचे कोणतेही चित्रपट आलेले नाहीत. शाहरुखने देखील लवकरच ओटीटीवर दाखल व्हावे अशी त्याच्या चाहत्यांची इच्छा आहे. सध्या शाहरुखची एक जाहिरात खूपच चर्चेत आहे. ही जाहिरात डिझ्नी प्लस हॉटस्टार ची आहे. यामध्ये अभिनेता ओटीटी प्लॅटफॉर्मवर स्वतःच्या डेब्यूसाठी राजेश जैससोबत चर्चा करत असतो. काही दिवसांपूर्वीच ही जाहिरात प्रदर्शित झाली होती. आता त्याच संबंधित नवीन जाहिरातही प्रसिद्ध झाली आहे. ‘मन्नत’च्या खाली चाहत्यांची गर्दी नवीन जाहिरातीमध्ये शाहरुख आपल्या घराच्या बाल्कनीतून मोबाईल फोन खाली फेकतो. ही मजेदार जाहिरात हॉटस्टारने आपल्या ऑफिशियल ट्विटर अकाउंटवर प्रसिद्ध केली आहे. यात शाहरुखचे चाहते त्याच्या नावाचा फलक घेऊन उभे असल्याचे दिसत आहे. शाहरुख खानचा नाही उचलला फोन? 'चाहत्यांकडून मिळालेला हा सन्मान पाहून 'बादशाह' त्यांना हात हलवून दाद देतो आणि राजेशला विचारतो की, डिझ्ने प्लस हॉटस्टारतर्फे कॉल आला होता का? ते ऐकून राजेश म्हणतो की, नाही आला फोन. त्यावर शाहरुख म्हणतो की, तू कॉल केला होता का? त्यावर राजेश म्हणतो की, केला होता, पण त्यांनी उचलला नाही. म्हणजे ते आयपीएलमध्ये, २०-२० विश्वचषक आणि नव्या चित्रपटांमध्ये व्यग्र आहेत. त्यानंतर राजेश आपल्या फोनकडे पाहत आणि म्हणतो, सर, त्यांचा मॅसेज आला आहे.' वेगाने व्हायरल होतोय व्हिडिओ त्यानंतर शाहरुख विचारतो की, काय म्हणत आहेत चित्रपट की शो? त्यावर जैस जे बोलतो ते ऐकून शाहरुख त्याचा फोन बाल्कनीतून फेकून देतो. सध्या सोशल मीडियावर हा प्रोमो व्हिडिओ वेगाने व्हायरल होत आहे. चाहत्यांकडून या व्हिडिओला पसंती मिळत असून ते त्यावर विविध प्रतिक्रिया देखील व्यक्त करत आहेत. आता 'पठान' मध्ये दिसणार शाहरुख खान शाहरुख खान २०१८ मध्ये आलेल्या 'झीरो' चित्रपटात शेवटचा दिसला होता. या चित्रपटात त्याच्यासोबत कतरिना कैफ आणि अनुष्का शर्मा या अभिनेत्रीनीं काम केले होते. मात्र हा चित्रपट बॉक्सट ऑफिसवर फारशी चांगली कमाई करू शकला नाही. आता शाहरुख सिद्धार्थ आनंद यांच्या 'पठान' या अॅक्शनपटात दीपिका पादुकोण व जॉन अब्राहमसोबत दिसणार आहे.
from Marathi Bollywood News, Marathi Cinema News https://ift.tt/3u5AXzc
