कन्फर्म! ‘या’ तारखेला भारतात लाँच होणार Oppo चा नवीन स्मार्टफोन, मिळणार ट्रिपल रियर कॅमेरा

नवी दिल्ली : २७ सप्टेंबरला भारतात या स्मार्टफोनला लाँच करणार आहे. लिस्टिंगममधून याचा खुलासा झाला आहे. ओप्पोने देखील ट्विट करत याची माहिती दिली आहे. Oppo F19s ला ३३ वॉट फ्लॅश चार्ज फास्ट चार्जिंग आणि ट्रिपल रियर कॅमेऱ्यासोबत लाँच केले जाऊ शकते. यात होल पंच डिस्प्ले मिळेल. हा फोन दोन रंगात येईल. या फोनला गीकबेंचवर देखील पाहण्यात आले असून, याचे स्पेसिफिकेशन्स समोर आले आहे. वाचा: Oppo F19s चे भारतात लाँचिंग फ्लिपकार्टने Oppo F19s च्या लाँच तारखेचा खुलासा करण्यासाठी एक मायक्रोसाइट बनवली आहे. यावरून संकेत मिळतात की फोन ग्लोइंग ब्लॅक आणि ग्लोइंग गोल्ड रंगात येईल. ओप्पोने ट्विट करत माहिती दिली आहे की, फोन २७ सप्टेंबरला दुपारी ३ वाजता लाँच होईल. Oppo F19s चे संभाव्य स्पेसिफिकेशन Oppo ने ट्विटरवर टीझर जारी करत पुष्टी केली आहे की, एफ१९एस होल-पंच डिस्प्ले डिझाइन आणि ट्रिपल रियर कॅमेऱ्यासह येईल. फ्लिपकार्टवर उपलब्ध एका रेंडरवरून माहिती मिळते की, फोनमध्ये रियरला ४८ मेगापिक्सलचा प्रायमरी सेंसर आहे. यात ३३ वॉट फ्लॅश चार्ज फास्ट चार्जिंग सपोर्टसह ५००० एमएएचची बॅटरी मिळू शकते. फोनमध्ये ७.९५एमएम जाडीची ३डी कर्व्ड बॉडी असेल. गीकबेंच लिस्टिंगद्वारे Oppo F19s च्या स्पेसिफिकेशन्सचा खुलासा झाला आहे. फोनला मॉडेल नंबर CPH२२२३ सह लिस्ट करण्यात आले आहे. यात ६ जीबी रॅमसह ऑक्टा-कोर क्वालकॉम स्नॅपड्रॅगन ६६३ SoC मिळण्याची शक्यता आहे. लिस्टिंगवरून माहिती मिळते की, हा फोन अँड्राइड ११ आउट-ऑफ-द-बॉक्सवर काम करतो. तसेच, फोनमध्ये ६.४३ इंच फुल एचडी+ एमोलेड डिस्प्ले आणि १६ मेगापिक्स सेल्फी कॅमेरा सेंसर मिळेल. दरम्यान, Oppo F19s सह कंपनी Oppo Reno 6 Pro 5G दिवाळी व्हर्जन आणि Oppo Enco Buds ट्रू वायरलेस स्टीरियो (TWS) इयरफोनचे ब्लू कलर व्हेरिएंट लाँच करू शकते. फ्लिपकार्टने दोन्ही नवीन डिव्हाइसला Oppo F19s लिस्टिंगसह "कमिंग सून" टॅगसोबत सादर केले आहे. ७ ऑक्टोबरपासून सुरू होणाऱ्या फ्लिपकार्ट बिग बिलियन डेज सेलमध्ये डिव्हाइस लाँच होऊ शकतात. वाचा: वाचा: वाचा:

from Gadget News in Marathi: Computer, Mobile, Auto News in Marathi | Maharashtra Times https://ift.tt/3i0x5dV