सौंदर्यवती रेखा यांची सावली आहे त्यांची सेक्रेटरी फरजाना; दोघींच्या अनोख्या नात्याची असते कायम चर्चा

मुंबई : हिंदी सिनेमातील सदाबहार सौंदर्यवती म्हणून यांचे नाव कायम घेतले जाते. अभिनेत्री रेखा यांचा१० ऑक्टोबरला वाढदिवस असतो. रेखा यांच्या वाढदिवसानंतर दुस-याच दिवशी हिंदी सिनेमाचे सुपरस्टार अमिताभ बच्चन यांचा वाढदिवस असतो. रेखा यांनी साठी पार केली असली तरी त्यांच्या सौंदर्याचे आजही चाहते आहेत. रेखा यांना पाहून आजही त्या इतकी सुंदर कशी दिसू शकते असा प्रश्न अनेकांच्या मनात असतो. रेखा कोणत्याही कार्यक्रमाला वेळेवर पोहोचतात. वेळेच्या बाबत त्या अतिशय काटेकोर आहेत. चार दशके हिंदी सिनेमामध्ये रेखा यांनी विविध अभिनेत्यांसोबत काम केले आहे. आता ही त्या बिग बॉस १५ साठी आपला आवाज देत आहे. रेखाचे आयुष्य आहे रहस्यमय रेखा यांच्या आयुष्यात अनेक गुपीत आहेत.या रहस्यामागे नेमके काय आहे याचा शोध अनेकदा घेतला गेला. जसे की रेखा या कुणाच्या नावाने भांगामध्ये कुंकू लावलात?, अमिताभ यांच्यासोबतचे त्यांचे नाते कसे तुटले? यांसारखे असंख्य प्रश्न तर आहेच परंतु रेखा आणि त्यांची सेक्रेटरी फरझाना यांच्या नात्याबद्दल अनेकांना अनेक प्रश्न आहेत. कोण आहेत फरझाना रेखा जिथे जिथे जातात तिथे तिथे त्यांच्यासोबत एक महिला असते. ही महिला पुरुषांप्रमाणे कपडे परिधान करते. ही महिला रेखासाठी तिचे संपूर्ण विश्व आहे. ही महिला रेखा यांच्यासोबत सावली सारखी असते. ही महिला म्हणजे फरझाना... फरझाना या रेखा यांच्यासोबत गेल्या ३४ वर्षांपासून आहेत. जेव्हा रेखा सिनेमात काम करत होत्या तेव्हा फरझाना त्यांचे सारे काम बघायच्या. रेखा आणि फरझाना अनेक वर्षांपासून एकमेकींसोबत आहेत. दोघींनीही वाईट आणि चांगला काळ एकमेकींसोबत घालवला आहे. रेखा यांच्या पतीने आत्महत्या केल्यानंतर त्यांच्यावर चहूबाजूंनी टीका झाली होती. तेव्हा फरझाना रेखा यांच्यासोबत ठामपणे उभ्या होत्या. फरझाना रेखा यांचे डोळे, नाक, कान तर आहेच शिवाय त्यांची सल्लागार आणि मदतनीस देखील आहे. फरझाना यांच्याशिवाय रेखा राहूच शकत नाही. रेखा यांना काय त्रास होऊ शकतो हे फरझाना यांना चांगलेच माहिती आहे. फरझाना आणि रेखा यांच्या 'संबंध' मोहनदीप यांच्या 'युरेका' या पुस्तकामध्ये त्यांनी रेखा आणि फरझाना यांच्या नातेसंबंधांवर टीका केली आहे. या दोघींचे एकमेकींशी शारीरिक संबंध असल्याचा आरोप ही त्यांनी केला आहे. या दोघीजणी नवरा-बायको सारखे एकमेकींसोबत रहात असल्याचेही त्यांनी म्हटले होते. परंतु रेखा फरझाना हिला बहिण मानतात. असे म्हणतात रेखा यांच्या खोली मध्ये फरझाना यांच्याशिवाय कुणीही जाऊ शकत नाही. फरझाना यांचा पेहेराव आणि चेहरा देखील पुरुषासारखा आहे. हेअरस्टायलिस्ट फरझाना ते सेक्रेटरी फरझाना कायम पांढ-या कपड्यांमध्ये दिसणा-या फरझाना या रेखा यांच्या हेअरस्टायलिस्ट म्हणून काम करत होत्या. त्यानंतर त्या रेखा यांचे सर्व काम करू लागल्या. बाहेरचे जग या दोघींबद्दल काय बोलतात याच्याकडे या दोघीही जणी कानाडोळा करतात...

from Marathi Bollywood News, Marathi Cinema News https://ift.tt/3uWeUeK