फक्त 'या' कारणामुळे सर्विस झाली ठप्प, ७ तासांनंतर सेवा पूर्वपदावर, कंपनीला बसला मोठा 'झटका'

नवी दिल्ली : काल, सोमवारी अनेक तास Facebook, त्याचे मेसेजिंग प्लॅटफॉर्म WhatsApp आणि फोटो शेअरिंग अॅप Instagram बंद असल्यामुळे युजर्समध्ये संभ्रमाची परिस्थिती निर्माण झाली होती. पण, तब्बल सात तास बंद राहिल्यानंतर या सर्व्हिसेस पुन्हा पूर्वीप्रमाणे सुरु झाल्या आहेत. Facebook सर्व्हर डाऊन झाल्यामुळे जगभरातील लोक यामुळे प्रभावित झाले होते. सेवांमध्ये प्रवेश पुनर्संचयित करण्यासाठी काम करत असल्याचे फेसबुकतर्फे सोमवारी उशिरा सांगण्यात आले. पाहा डिटेल्स. वाचा: कंपनीने Facebook, Instagram आणि WhatsApp सेवा बंद झाल्यामुळे लोकांना झालेल्या गैरसोयीबद्दल क्षमा मागितली आणि अॅप परत येण्यासाठी इतकी वेळ प्रतीक्षा केल्याबद्दल युजर्सचे आभार देखील मानले. या आउटेजचे कारण काय होते हे अद्याप सांगण्यात आले नाही. इंटरनेटच्या समस्यांवर लक्ष ठेवणाऱ्या डाउनडिटेक्टरने म्हटले आहे की, जगभरात तब्बल १०.६ दशलक्षांहून अधिक अहवालांसह, फेसबुक डाउन हे आतापर्यंतचे सर्वात मोठे आउटेज होते . शेअर्स ४.९ % घसरले : सेवा बंद झाल्यानंतर सोमवारी फेसबुकचे शेअर्स ४.९ टक्क्यांनी घसरले, गेल्या नोव्हेंबरनंतरची ही सर्वात मोठी दैनंदिन घसरण आहे. स्टँडर्ड मीडिया इंडेक्स या नियतकालिक मापन संस्थेनुसार, आउटेज दरम्यान अमेरिकेच्या जाहिरातीच्या उत्पन्नात फेसबुकला प्रति तास अंदाजे ५४५.००० डॉलरचे नुकसान झाले. कंपनीच्या स्वतःच्या ईमेल प्रणालीसह फेसबुकच्या काही अंतर्गत Apps वरही या आउटरेंज परिणाम झाला आहे. न्यूयॉर्क टाइम्सच्या टेक रिपोर्टर शीरा फ्रँकलिनने म्हटले आहे की, फेसबुकवर त्याने सांगितले की फेसबुकमध्ये काम करणाऱ्या व्यक्तीसोबत संवाद साधला असता माहित झाले की, कर्मचाऱ्यांना सकाळपासून इमारतीत प्रवेश करता आला नाही. कारण, त्यांचे बॅज काम करत नव्हते. तर, काही इंटरनेट तज्ञ म्हणतात की बॉर्डर गेटवे प्रोटोकॉल (बीजीपी) मुळे सर्व फेसबुक सेवा बंद होत्या. हा इंटरनेटचा रूटिंग प्रोटोकॉल आहे. फेसबुकच्या वेबपेजवरील संदेशाने डोमेन नेम सिस्टीम (DNS) मधील त्रुटीचे वर्णन केले आहे, जे वेब पत्त्यांना युजर्सना त्यांच्या गंतव्यस्थानाकडे नेण्यास अनुमती देते. DNS म्हणजे काय? DNS ला इंटरनेट बॅकबोन म्हणता येईल. जेव्हा आपण कोणत्याही संगणकात वेबसाइट उघडतो, तेव्हा DNS तुमच्या ब्राउझरला सांगतो की कोणत्याही वेबसाइटचा IP काय आहे. प्रत्येक वेबसाईटला आयपी असतो. ट्विटर किंवा फेसबुकच्या बाबतीत, DNS आपल्या ब्राउझरला सांगते की, Twitter आणि Facebook चा आयपी काय आहे. अशा परिस्थितीत, जर DNS डेटाबेस मधून फेसबुक आणि ट्विटरचे रेकॉर्ड मिटवले गेले, तर तुम्हाला आणि तुमच्या कम्प्युटरला फेसबुक आणि ट्विटर काय आहेत हे कळू शकणार नाही आणि त्यांना ऍक्सेस करता येणार नाही. वाचा: वाचा: वाचा:

from Gadget News in Marathi: Computer, Mobile, Auto News in Marathi | Maharashtra Times https://ift.tt/3AbeXEs