मुंबई- बॉलिवूडचे शहंशाह असणारे यांना कोणत्याही ओळखीची गरज नाही. अमिताभ यांच्या नुसत्या नावानेच चाहत्यांच्या मनात उत्साह संचारतो. चाहते अमिताभ यांना देवाप्रमाणे मानतात. परंतु, आता बिग बींनी चाहत्यांसाठी घेतलेल्या निर्णयाने चाहतेही त्यांच्यासाठी तितकेच महत्वाचे आहेत हे पटवून दिलं आहे. चाहत्यांच्या विनावणीवरून अमिताभ यांनी पान मसाला कंपनीची कोट्यवधींची जाहिरात सोडली आहे. त्यांच्या या निर्णयाने चाहते प्रचंड आनंदी झाले आहेत. ११ ऑक्टोबर रोजी अमिताभ यांचा वाढदिवस झाला. या दिवसाच्या निमित्ताने त्यांनी चाहत्यांना ही भेट दिली आहे. साधारण महिन्याभरापूर्वी अमिताभ यांची पान मसाल्याची जाहिरात चित्रित झाली होती. त्यानंतर ती प्रदर्शित करण्यात आली. या जाहिरातीसाठी बिग बींना कोट्यवधी रुपये देण्यात आले होते. त्यावेळेस प्रदर्शित झालेल्या या जाहिरातीवरून अमिताभ यांना सोशल मीडियावर ट्रोल करण्यात आलं होतं. बिग बींनी देखील अत्यंत शांतपणे चाहत्यांच्या प्रश्नांना उत्तर दिलं होतं. परंतु, राष्ट्रीय तंबाखू विरोधी संघटनेने अमिताभ यांना विनंती केल्यानंतर त्यांनी ही जाहिरात सोडण्याचा निर्णय घेतला. बिग बींनी ही जाहिरात सोडली तर तरुणाईला चांगला संदेश जाईल असं या संघटनेचं म्हणणं होतं. त्यामुळे वाढदिवसाच्या एका आठवड्यापूर्वीच अमिताभ यांनी या कंपनीसोबत केलेला करार तोडून त्यांना दिलेली रक्कम देखील परत केली. अमिताभ यांच्या या निर्णयाचं सोशल मीडियावर प्रचंड कौतुक होत आहे. बिग बींनी चाहत्यांना नवा आदर्श घालून दिला आहे. त्यांना देखील त्यांच्या चाहत्यांची काळजी आहे असं यूझर्सचं म्हणणं आहे. अमिताभ एका जाहिरातीसाठी आठ कोटी रुपये मानधन घेतात. अमिताभ यांच्याकडे जाहिरातीची कमी नसली तरी त्यांच्या या निर्णयाने त्यांनी चाहत्यांची मन मात्र जिंकली आहेत.
from Marathi Bollywood News, Marathi Cinema News https://ift.tt/3iZxYUD
