मुंबई : अर्थात कायम वादग्रस्त विधान करण्यावरून चर्चेत असतो. केआरके त्याच्या सोशल मीडिया अकाउंटवरून कायम बॉलिवूडमधील कलाकारांवर टीका करत असतो. त्यातून नवीन वाद निर्माण होतो. आता देखील केआरकेने त्याच्या ट्विटर हँडलवरून बॉलिवूडमधील आघाडीची अभिनेत्री हिच्या संदर्भात एक नवीन खुलासा केला आहे. त्यामुळे एक नवीन वाद निर्माण होण्याची शक्यता आहे. या ट्वीटमध्ये केआरकेने म्हटले की कंगनाच्या सांगण्यावरून त्याने सिनेनिर्माता- दिग्दर्शक करण जोहर याच्यावर टीका केली होती. काय म्हणाला केआरके कमाल राशिद खान याने त्याच्या ट्वीटमध्ये लिहिले की, 'कंगनाशिवाय अन्य कोणत्याही कलाकाराने दुसऱ्या कलाकाराबद्दल वाईट बोलायला सांगितलेले नाही.' केआरकेने त्याच्या ट्वीटमध्ये पुढे म्हटले की, 'कंगनाने त्याला करण जोहरच्या विरोधात वाईट बोलायला सांगितले होते.' केआरकेच्या मते तो जे काही बोलत आहे, त्याचे पुरावे देखील त्याच्याकडे आहेत. कंगना रणौतचे एसएमएस आहेत केआरकेने ट्वीटमध्ये पुढे म्हटले की, ' कंगनाने मला करणच्या विरोधात उलट-सुलट वक्तव्य करण्यास सांगितले होते. तिने यासंदर्भात मला पाठवेलेल एसएमएस देखील आहेत. अर्थात तिने पाठवलेले हे मेसेज मी कधीही प्रसिद्ध करणार नाही. आतापर्यंत मी जे काही बोललो आहे, त्याचा मी कधीच खुलासा केलेला नाही आणि भविष्यातही मी असे कधीच करणार नाही.' दरम्यान, केआरकेने कंगनाला 'दीदी' म्हणत तिला खोटारडी ठरवले आहे. इतकेच नाही तर त्याने असेही म्हटले की कंगना तिच्या 'थलायवी' सिनेमासाठी ती देशभक्त असल्याचे कार्ड खेळत आहे. त्याच्या मते 'थलायवी' बद्दल वाईट परीक्षण छापून आल्यामुळे कंगना आता सर्वांना शहाणपणा शिकवत आहे. केआरकेने पुढे असेही म्हटले की, आपण सर्वांनी देशभक्त आणि आत्मनिर्भर होण्यासाठी इंग्रजी सिनेमा पाहण्याऐवजी भारतीय सिनेमे पाहायला हवेत.परंतु 'दीदी' तुला कोट्यधीश करण्यासाठी तुझे बकवास सिनेमे पाहण्यासाठी मात्र आम्ही तयार नाहीत. जनता मुर्ख नाही. याआधीही केआरकेने कंगनावर टीका केली होती. त्यावेळी त्याने म्हटले होते की यापुढे कंगनाचा एकही सिनेमा हिट होणार नाही. ती सिनेमामेकर नाही तर फक्त समाजामध्ये द्वेष पसरवण्याचे काम करत आहे.
from Marathi Bollywood News, Marathi Cinema News https://ift.tt/3itsK3n