मुंबई- आणि दीपिका पदुकोण स्टारर बहुप्रतिक्षित चित्रपट '83' (83 Trailer) चा ट्रेलर नुकताच रिलीज झाला. सिनेमाची कथा १९८३ च्या क्रिकेट वर्ल्ड कपवर आधारित आहे, ज्यामध्ये कपिल देव यांच्या नेतृत्वाखालील भारतीय संघाने लॉर्ड्सवर वेस्ट इंडिजविरुद्ध पहिला विश्वचषक जिंकला होता. ट्रेलर पाहून अंगावर काटा उभा राहतो. '८३'मध्ये रणवीर सिंग कपिल देव यांची भूमिका साकारत आहे, तर दीपिका पदुकोण कपिल यांच्या पत्नी रोमी भाटियाची भूमिका साकारत आहे. ३ मिनिटं ४९ सेकंदांच्या या ट्रेलरमध्ये रणवीर आणि दीपिका पूर्णपणे समरसून गेले आहेत. अल्पावधीतच या ट्रेलरला यूट्यूबवर लाखो व्ह्यूज मिळाले आहेत. सोशल मीडियावर चाहतेयी या ट्रेलरचं कौतुक करत असून, रणवीरला कोणतेही पात्र द्या आणि तो प्रभावित करण्याची एकही संधी सोडत नाही अशा कमेन्ट करत आहेत. इथे वाचा कमेन्ट - या सीनने जिंकले मन तसं पाहायला गेलं तर संपूर्ण ट्रेलर हृदयाला भिडणारा आहे, पण यातही एक सीन खूप महत्त्वाचा आहे. या सीनमध्ये टीममधील प्रत्येकजण कपिल देव म्हणजेच रणवीर सिंगला म्हणतो, 'आम्ही इथे १९८३ मध्ये वेस्ट इंडिजमध्ये आहोत आणि कर्णधार म्हणतो आपण जिंकू. आम्हाला वाटलेलं कर्णधार वेडा झालाय. आणखी एक सीन आहे जिथे कपिल देव यांचं पात्र साकारणारा रणवीर पत्रकार परिषदेत जेव्हा त्याचा संघ वेस्ट इंडीजमध्ये वर्ल्ड कप जिंकण्यासाठी आला असल्याचं सांगतो तेव्हा तिथे उपस्थित सर्व त्याची खिल्ली उडवतात. १९८३ मध्ये देशासाठी पहिला विश्वचषक जिंकल्यानंतर कपिल देव यांनी सर्वांची बोलती बंद केली होती. २४ डिसेंबरला रिलीज होणार आहे ताहिर राज भसीन, पंकज त्रिपाठी, साकिब सलीम, जतिन सरना, हार्डी संधू, एमी वर्की, साहिल खट्टर, आदिनाथ कोठारे, चिराग पाटील आणि आर बद्रीसारखे स्टार्स '८३' मध्ये दिसणार आहेत. २४ डिसेंबरला हा चित्रपट हिंदीशिवाय तमिळ, तेलुगू, मल्याळम आणि कन्नड भाषांमध्ये प्रदर्शित होणार आहे.
from Marathi Bollywood News, Marathi Cinema News https://ift.tt/3d3KjUw
