मुंबई- '' पुन्हा एकदा सोशल मीडियावर चर्चेत आहे. मागील आठवड्यात दुसरी वाइल्ड कार्ड एण्ट्री म्हणून घरात येणारी अभिनेत्री या आठवड्यात घराबाहेरच झाली आहे. वोटिंग ट्रेण्ड नुसार निथाला सगळ्यात कमी वोट मिळाल्याने निथा बिग बॉसच्या घरातून बाहेर गेली आहे. परंतु, बिग बॉसच्या या निर्णयाचा नेटकरी विरोध करताना दिसून येतायत. निथाचं घराबाहेर जाणं अनेकांना पटलं नसल्याचं दिसतंय. गेल्या आठवड्यात घराबाहेर जाण्याच्या प्रक्रियेसाठी घरात 'जपून दांडा धर' हा टास्क खेळला गेला होता. या टास्कदरम्यान मीरा जगन्नाथ आणि निथा यांनी एकाच खांबावर त्यांच्या नावाचे स्टिकर चिटकवले होते. मीराने निथाला चुकीचं ठरवत तिचा स्टिकर खांबावरून काढला होता. त्यानंतर निथा मात्र हतबल होऊन रडताना दिसली होती. त्यामुळे निथा घराबाहेर जाण्याच्या प्रक्रियेसाठी नॉमिनेट झाली होती. त्यापूर्वी टीम ए निथाला स्वतःच्या ग्रुप मध्ये येण्यासाठी मनवताना दिसली. मात्र निथाने टीम बी ची निवड केली होती. वोटिंग ट्रेण्डनुसार घराबाहेर जाण्यासाठी नॉमिनेट झालेल्या सदस्यांमध्ये दादूसला सगळ्यात कमी वोट मिळाले होते. मात्र दादूसला या आठवड्यात सेफ करण्यात आलं. बिग बॉसच्या या निर्णयावर अनेकांनी नाराजी व्यक्त केली आहे. दादूसला सेफ का केलं असा प्रश्न नेटकरी विचारत आहेत. तर दुसरीकडे वाइल्ड कार्ड एण्ट्री सदस्याला खेळू द्यायचं नसेल तर त्याला घरात का घेतलं असा सवालही नेटकरी विचारत आहेत. यापूर्वी आदिश वैद्य आणि आता निथा यांना लागोपाठ घराबाहेर काढल्याने नेटकरी बिग बॉसवर नाराज आहे.
from Marathi Bollywood News, Marathi Cinema News https://ift.tt/3F7OsTo
