मुंबई- 'बिग बॉस' हा कार्यक्रम छोट्या पडद्यावरील सगळ्यात जास्त पाहिला जाणारा कार्यक्रम आहे. यावेळेस प्रेक्षकांच्या भेटीला आलेला '' मात्र सगळ्याच बाबतीत कमकुवत दिसत आहे. 'बिग बॉस १५' चा टीआरपीदेखील खूप कमी आहे. शिवाय कार्यक्रमाची लोकप्रियता कमी होत असल्याने निर्मातेदेखील चिंतेत आहेत. अशात कार्यक्रमाचा पडलेला टीआरपी पुन्हा वाढवण्यासाठी आणि प्रेक्षकांचं प्रेम मिळवण्यासाठी 'बिग बॉस १५' मध्ये वाइल्ड कार्ड एण्ट्री होणार आहे. यावेळेस घरात जाणारा सदस्य दुसरा तिसरा कुणी नसून 'बिग बॉस मराठी २' चे स्पर्धक अभिजीत बिचुकले आहेत. 'बिग बॉस १५' चे सदस्य प्रेक्षकांना खिळवून ठेवण्यास असमर्थ ठरलेत. सदस्यांमध्ये दिसणारी प्रेमकहाणी देखील प्रेक्षकांना नवीन राहिलेली नाही. त्यात वारंवार खेळले जाणारे टास्क पाहून प्रेक्षक कंटाळले आहेत. त्यामुळे कार्यक्रमाचा टीआरपी पूर्णपणे पडलेला आहे. सलमान खानचं सूत्रसंचालनही कार्यक्रमाचा टीआरपी वाचवण्यास अयशस्वी ठरललं आहे. कार्यक्रम बंद होतो की काय अशी भीती निर्मात्यांना वाटत आहे. त्यामुळे कार्यक्रमात नवीन तडका लावण्यासाठी मराठमोळे अभिजीत बिचुकले यांना हिंदी बिग बॉसमध्ये वाइल्ड कार्ड सदस्य म्हणून पाठवण्यात येणार आहे. बिचुकले यांनी मराठी बिग बॉसमध्ये प्रचंड लोकप्रियता मिळवली होती. बिचुकले या आठवड्यात देवोलिना चॅटर्जी आणि रश्मी देसाई यांच्यासोबत घरात एण्ट्री करणार आहेत. आता बिचुकले घरात कोणता धमाका करतात, कसे वागतात, त्यांचा खेळ कसा असेल, बिचुकले हिंदी बिग बॉसमध्ये टिकू शकतील का, त्यांच्या येण्याने टीआरपीमध्ये किती फरक पडेल, या प्रश्नांची उत्तरं लवकरच प्रेक्षकांना मिळणार आहेत.
from Marathi Bollywood News, Marathi Cinema News https://ift.tt/3CzNZI2
