मुंबई- मराठमोळा अभिनेता हा मराठी चित्रपटसृष्टीतील गाजलेला कलाकार आहे. परंतु, अनिकेतची पत्नी हिने अनिकेत आणि त्याच्या कुटुंबियांवर घरगुती हिंसाचाराचे आणि मारहाणीचे आरोप केले आहेत. आपली पत्नी आपल्यापेक्षा जास्त लोकप्रिय होतेय, तिचं नाव होतंय या असूयेने अनिकेत आणि त्याच्या घरातल्यांनी आपला छळ केला, आपल्याला वाईट वागणूक दिली अशी तक्रार स्नेहाने केली आहे. पत्नीने लावलेल्या या गंभीर आरोपांवर अनिकेतने एका वृत्तपत्राला दिलेल्या मुलाखतीत भाष्य केलं आहे. अनिकेतने पत्नीने लावलेले सगळे आरोप फेटाळले आहेत. मुलाखतीत अनिकेत म्हणाला, 'आम्ही गेले अनेक महिने वेगळे राहत आहोत. ती पुण्यात असते तर मी मुंबईत असतो. आम्ही अजून कायदेशीररित्या वेगळे झालेलो नाही. त्याबद्दल मी आताच काही सांगू शकत नाही. ते सगळं पुढे कळेलच. तिथे माझ्या विरोधात तिने काय केलंय याची मला काहीच कल्पना नाही. ती हे सगळं का करतेय हेदेखील मला कळत नाही. मला अजूनतरी पोलीस ठाण्यातून कोणताही फोन आलेला नाही. त्यामुळे आताच मी यावर काहीही सांगू शकत नाही.' अनिकेत आणि स्नेहा यांचा विवाह २०१८ साली मोठ्या धुमधडाक्यात झाला होता. मात्र त्यानंतर अनैतिक संबंध, चित्रपटसृष्टीमध्ये आपल्यापेक्षा आपल्या पत्नीचे नाव मोठे होईल या भीतीपोटी सासरच्यांकडून आपल्याला जीवे मारण्याची धमकी देण्यात आल्याचं स्नेहाने म्हटलं आहे. तसेच आपला गळा दाबून जीवे मारण्याचा प्रयत्न करण्यात आला, शिवीगाळ करण्यात आली, मारहाण करण्यात आली, इतर लोकांसमोर अपमानास्पद वागणूकही दिली गेल्याचं स्नेहाने म्हटलं आहे. या सगळ्या घटना १० डिसेंबर २०१८ ते २ फेब्रुवारी २०२१ दरम्यान घडल्याचं स्नेहाने सांगितलं.
from Marathi Bollywood News, Marathi Cinema News https://ift.tt/30BmGzD
