मुंबई : दाक्षिणात्य सिनेअभिनेत्री सोशल मीडियावर प्रचंड लोकप्रिय आहे. नॅशनल क्रश म्हणूनही तिची खास ओळख आहे. तिचे फोटो आणि व्हिडिओ सोशल मीडियावर क्षणार्धात व्हायरल होतात आणि त्यावर तिचे चाहते भरभरून कमेन्ट करतात. अलिकडेच रश्मिकाचा एअरपोर्टवरचा व्हिडिओ आणि त्याचसंबंधीचे काही फोटो व्हायरल झाले. त्या फोटोंमध्ये रश्मिकाने जे कपडे घातले होते, त्यावरून युझर्सनी तिला ट्रोल करायला सुरुवात केली. रश्मिकाने यावेळी लांब टी-शर्ट घातलं होतं. विशेष म्हणजे रश्मिकाने फक्त टी-शर्टच घातलं होतं. एअरपोर्टमधून बाहेर आल्यावर अनेक छायाचित्रकारांनी तिचे फोटो आणि व्हिडिओ घ्यायला सुरुवात केली. रश्मिकानेही छायाचित्रकारांना हसऱ्या चेहऱ्याने फोटो घेऊ दिले. पण तिचा ड्रेस अनेकांना आवडला नाही आणि सोशल मीडियावरच चाहते रश्मिकाला प्रश्न विचारू लागले. 'रश्मिका तू तर पँट घालायलाच विसरली वाटतं..' अशा कमेन्टही वारंवार येऊ लागल्या. त्याचं झालं असं की, रश्मिकाने गुलाबी रंगाचा लांब टी-शर्ट आणि निळ्या रंगाची शॉर्ट घातली होती. मात्र ही शॉर्ट अगदी तोकडी असल्याने ती दिसतही नव्हती. त्यामुळे रश्मिकाने केवळ लांब टी-शर्टच घातला असं प्रथमदर्शनी कोणालाही वाटू शकतं. त्यामुळेच अनेक युझर्सनी तिला ट्रोल केलं. रश्मिकाच्या या व्हिडिओवर कमेन्ट करत एका युझरने लिहिलं की,'ताई खाली काही कपडे घालायचे होते ना गं' तर आणखी एका युझरने लिहिलं की,'म्हणजे मुंबईत थंडी नाहीए तर...' रश्मिका मंदानाने २०१६ मध्ये 'क्रिक पार्टी' या कन्नड सिनेमातून अभिनयाच्या क्षेत्रात पदार्पण केले. त्यानंतर आता ती ‘मिशन मजनू’ या सिनेमातून बॉलिवूडमध्ये पदार्पण करणार आहे. या सिनेमात ती अभिनेता सिद्धार्थ मल्होत्रासोबत झळकणार आहे. हा एक स्पाई थ्रिलर सिनेमा असून १९७० मध्ये भारत- पाकिस्तानमध्ये झालेल्या युद्धाच्या सत्य घटनेवर अवलंबून आहे. दरम्यान रश्मिका ‘पुष्पा द राइज’ सिनेमामुळे सध्या चर्चेत आहे. या सिनेमात ती अल्लू अर्जुनसोबत दिसली आहे.
from Marathi Bollywood News, Marathi Cinema News https://ift.tt/3CeYwYU
